ନୂଆଦିଲ୍ଲୀ: ଅଭିନେତା ନିଶାନ୍ତ ସିଂ ମଲଖାନି ଏକ ଦୁର୍ଘଟଣାର ସମ୍ମୁଖୀନ ହୋଇଛନ୍ତି। ସେ ମୁମ୍ବାଇରୁ ଜୈସଲମେର ଯାଉଥିଲେ ଏବଂ ରାସ୍ତାରେ ତାଙ୍କର ଦୁର୍ଘଟଣା ଘଟିଥିଲା। ତେବେ ସୂଚନା ମୁତାବକ ନିଶାନ୍ତ ସୁରକ୍ଷିତ ଅଛନ୍ତି। ସେ ଅଳ୍ପକେ ଦୁର୍ଘଟଣାରୁ ବର୍ତ୍ତି ଯାଇଛନ୍ତି। କିନ୍ତୁ ତାଙ୍କ କାରର ଅବସ୍ଥା ଅତ୍ୟନ୍ତ ଖରାପ ହୋଇଯାଇଛି। ସେ ନିଜେ ତାଙ୍କ ଦୁର୍ଘଟଣା ସମ୍ପର୍କରେ ତାଙ୍କ ପ୍ରଶଂସକଙ୍କୁ ଅବଗତ କରାଇଛନ୍ତି। ନୂଆ ବର୍ଷ ଅବସରରେ ନିଶାନ୍ତ ଏଭଳି ଏକ ଭୟଙ୍କର ଦୁର୍ଘଟଣାର ଶିକାର ହୋଇଛନ୍ତି।
ଏକ ସାକ୍ଷାତକାରରେ ସମୟରେ ନିଶାନ୍ତ ସିଂ ମଲଖାନି ଭଗବାନଙ୍କୁ ଧନ୍ୟବାଦ ଦେଇ କହିଛନ୍ତି କୌଣସି ବିଷୟରେ ଚିନ୍ତା କରିବାର ଆବଶ୍ୟକତା ନାହିଁ, ମୋର ବିଶେଷ ଆଘାତ ମଧ୍ୟ ହୋଇ ନାହିଁ। ମୁଁ ସମ୍ପୂର୍ଣ୍ଣ ଭଲ ଅଛି କିନ୍ତୁ ମୋ କାର ସଂପୂର୍ଣ୍ଣ ନଷ୍ଟ ହୋଇଯାଇଛି, ଯାହାକୁ ଉଠାଇବା ପାଇଁ କ୍ରେନ୍ କୁ ଡାକିବାକୁ ପଡିଥିଲା। ମୁଁ କେବଳ ମୋ ମାଙ୍କ ଆଶୀର୍ବାଦ ଏବଂ ଭଗବାନଙ୍କ ସହଯୋଗ ବଳରେ ଏହି ଦୁର୍ଘଟଣାରୁ ରକ୍ଷା ପାଇପାରିଛି। ”
ନିଶାନ୍ତଙ୍କ କହିବା ମୁତାବକ – ମୁଁ ଗାଡି ଚଳାଉଥିଲି, ତା’ପରେ ହଠାତ୍ କାରଟି ଭୁଲ୍ ପାର୍ଶ୍ୱରୁ ଆଗରୁ ଆସୁଥିବାର ଦେଖିଲି। ରାସ୍ତା ଟିକିଏ ପ୍ରଶସ୍ତ ଥିଲା ଏବଂ ସମସ୍ତଙ୍କୁ ବଞ୍ଚାଇବା ପାଇଁ ମୁଁ କାରଟିକୁ ରାସ୍ତା ପାର୍ଶ୍ୱରେ ଅବତରଣ କରିଥିଲି, ଯେଉଁ କାରଣରୁ ମୋ କାର ଏକ ଗଭୀର ଗର୍ତ୍ତରେ ପଡିଗଲା। ଆମେ ସମସ୍ତେ ସୁରକ୍ଷିତ ଏବଂ କେହି ଆହତ ହୋଇନାହାଁନ୍ତି।