ନୂଆଦିଲ୍ଲୀ: କୌଣସି ସ୍କୁଲ ଶିକ୍ଷକଙ୍କୁ ବୁଲା କୁକୁର ଗଣନା ପାଇଁ ନିଯୁକ୍ତ କରାଯାଇନାହିଁ। ଦିଲ୍ଲୀ ସରକାରଙ୍କ ସୂତ୍ର ଅନୁଯାୟୀ ଶିକ୍ଷକମାନଙ୍କୁ ବୁଲା କୁକୁର ଗଣନା ପାଇଁ ନିଯୁକ୍ତ କରାଯିବା ସମ୍ବନ୍ଧୀୟ ଖବର ଭୁଲ। ଏନେଇ ଶିକ୍ଷା ବିଭାଗ ମଧ୍ୟ ଏକ ସ୍ପଷ୍ଟ ସ୍ପଷ୍ଟୀକରଣ ଜାରି କରିବ।
ସରକାରୀ ସୂତ୍ର ଅନୁଯାୟୀ, ଡିସେମ୍ବର ୫ ତାରିଖର ସର୍କୁଲାର କେବଳ ନଭେମ୍ବର ୨୦ ତାରିଖରେ ଜାରି ହୋଇଥିବା ସର୍କୁଲାରର ଏକ ଫଲୋଅପ। କୌଣସି ସର୍କୁଲାରରେ ବୁଲା କୁକୁର ଗଣନା ସମ୍ପର୍କରେ କୌଣସି ନିର୍ଦ୍ଦେଶ ନାହିଁ।
ଦିଲ୍ଲୀ ସରକାର ସ୍କୁଲ ସମେତ ସମସ୍ତ ଶିକ୍ଷାନୁଷ୍ଠାନକୁ ବୁଲା କୁକୁର ସମ୍ବନ୍ଧୀୟ ଗଣତି ମାମଲା ପାଇଁ ନୋଡାଲ ଅଧିକାରୀ ନିଯୁକ୍ତି କରିବାକୁ ଏବଂ ଶିକ୍ଷା ନିର୍ଦ୍ଦେଶାଳୟକୁ ସେମାନଙ୍କର ସୂଚନା ରିପୋର୍ଟ କରିବାକୁ ନିର୍ଦ୍ଦେଶ ଦେଇଛନ୍ତି।
ତେବେ ଏହା ପୂର୍ବରୁ କୁକୁର ଗଣତି ନେଇ ଶିକ୍ଷକ ସଂଘଗୁଡ଼ିକ ପ୍ରତିବାଦ କରି ଚେତାବନୀ ଦେଇଥିଲେ ଯେ ଶିକ୍ଷକମାନଙ୍କୁ ଏପରି ଅଣ-ଶୈକ୍ଷିକ କାର୍ଯ୍ୟ ଦେବା ଦ୍ୱାରା ଶିକ୍ଷାଦାନ ପ୍ରଭାବିତ ହୋଇପାରେ ଏବଂ ସେମାନଙ୍କ ମର୍ଯ୍ୟାଦା କ୍ଷୁର୍ଣ୍ଣ ହୋଇପାରେ। ଯାହାକୁ ନେଇ ସୋସିଆଲ ମିଡିଆରେ ତର୍କ ବିତର୍କ ଆରମ୍ଭ ହୋଇଥିଲା। ଅପରପକ୍ଷରେ ଉତ୍ତର ପ୍ରଦେଶ, ଜମ୍ମୁ ଓ କାଶ୍ମୀର, କର୍ଣ୍ଣାଟକ ଏବଂ ଛତିଶଗଡ଼ ସମେତ ଅନେକ ରାଜ୍ୟ ଏବଂ କେନ୍ଦ୍ରଶାସିତ ଅଞ୍ଚଳଗୁଡ଼ିକରେ ସମାନ ନିର୍ଦ୍ଦେଶନାମା ପୂର୍ବରୁ ଜାରି କରାଯାଇଛି।
Comments are closed.