ଭୁବନେଶ୍ୱର: ନୂଆପଡା ଉପନିର୍ବାଚନ ସମୟରେ ଏକ ବୁଥ୍ରେ ପ୍ରିଜାଇଡିଂ ଅଫିସର ଭାବରେ ନିଯୁକ୍ତ ଓଡ଼ିଶା ଆଦର୍ଶ ବିଦ୍ୟାଳୟ (ଓଏଭି)ର ଜଣେ ଶିକ୍ଷକଙ୍କୁ ମଙ୍ଗଳବାର ଦିନ ଭୋଟ୍ ଗୋପନୀୟତା ଉଲ୍ଲଂଘନ ଅଭିଯୋଗରେ ନିଲମ୍ବିତ କରାଯାଇଛି।
ସନ୍ଦୀପ କୁମାର ସ୍ୱାଇଁ ନାମକ ଏହି ଶିକ୍ଷକ ସିନାପାଲି ବ୍ଲକର ଓଏଭି ଟିମାନପୁରର ଜଣେ ତାଲିମପ୍ରାପ୍ତ ସ୍ନାତକ ଶିକ୍ଷକ (ଟିଜିଟି)। ବୁଥ୍ ନମ୍ବର ୪୬ର ପ୍ରିଜାଇଡିଂ ଅଫିସର ଭାବରେ ନିଯୁକ୍ତ ସନ୍ଦୀପଙ୍କୁ ଭୋଟ୍ ଗୋପନୀୟତା ଉଲ୍ଲଂଘନ ଅଭିଯୋଗରେ ନୂଆପଡା ଜିଲ୍ଲାପାଳ ତୁରନ୍ତ ପ୍ରଭାବରୁ ନିଲମ୍ବିତ କରିଛନ୍ତି।
ଜିଲ୍ଲାପାଳଙ୍କ ଦ୍ୱାରା ଜାରି କରାଯାଇଥିବା ଆଦେଶ ଅନୁଯାୟୀ, ସନ୍ଦୀପ ଏହି ନିଲମ୍ବନ ଅବଧି ମଧ୍ୟରେ ନେଗିପାଲିରେ OAV ସହିତ ସଂଯୁକ୍ତ ରହିବେ। ସେହିପରି ଓଡ଼ିଶା ମୁଖ୍ୟ ନିର୍ବାଚନ ଅଧିକାରୀ (ସିଇଓ)ଙ୍କ ଠାରୁ କ୍ଲିୟରାନ୍ସ ପରେ ହିଁ ତାଙ୍କର ପୁନଃସ୍ଥାପନ ବିଷୟରେ ବିଚାର କରାଯିବ ବୋଲି ଜଣାପଡ଼ିଛି।
ସେହିପରି ଆଜି ସକାଳୁ ଧନଞ୍ଜୟ ମଲ୍ଲିକ ନାମକ ଜଣେ ପ୍ରିଜାଇଡିଂ ଅଫିସରଙ୍କୁ ନିଲମ୍ବନ କରାଯାଇଥିଲା। ସେ ମଧ୍ୟ ଗୋପନୀୟତାକୁ ଉଲଙ୍ଘନ କରିଥିବାରୁ ତାଙ୍କ ବିରୋଧରେ ଜିଲ୍ଲାପାଳ କାର୍ଯ୍ୟାନୁଷ୍ଠାନ ଗ୍ରହଣ କରିଥିଲେ।
Comments are closed.