ନୁପୂରଙ୍କୁ ମାରିବା ପାଇଁ ୧୧ ଇଂଚର ଛୁରୀ ଧରି ପାକିସ୍ତାନରୁ ଆସିଥିଲା ଆତତାୟୀ

ନୂଆଦିଲ୍ଲୀ: ଶ୍ରୀଗଙ୍ଗାନଗର ଜିଲା ନିକଟରେ ଥିବା ହିନ୍ଦୁମଲକୋଟ ବର୍ଡର ନିକଟରେ ବର୍ଡର ସିକ୍ୟୁରିଟି ଫୋର୍ସ ଜଣେ ଆତତାୟୀକୁ ଧରିଛି । ଆନ୍ତର୍ଜାତୀୟ ବର୍ଡର ଡେଇଁ ସେ ଭାରତରେ ପଶିବା ପାଇଁ ଉଦ୍ୟମ କରୁଥିଲା । ପ୍ରାରମ୍ଭିକ ତଦନ୍ତରେ ସେ ବିଜେପିର ପୂର୍ବତନ ପ୍ରବକ୍ତା ନୁପୂର ଶର୍ମାଙ୍କୁ ମାରିବା ପାଇଁ ଆସିଛି ବୋଲି କହିଛି । ରିଜୱାନ ଅଶ୍ରଫ ନାମକ ଏହି ପାକିସ୍ତାନୀ ଆତତାୟୀ ନିକଟରୁ ୧୧ ଇଂଚର ଛୁରୀ ମଧ୍ୟ ଜବତ କରାଯାଇଛି । ଆଇବି, ର ଓ ଅନ୍ୟ ମିଲିଟ୍ରି ଏଜେନ୍ସିର ସଂଯୁକ୍ତ ଟିମ ପଚରାଉଚରା ଜାରୀ ରଖିଛି । ବର୍ଡର ନିକଟରେ ପାଟ୍ରୋଲିଂ ବେଳେ ଏହି ଯୁବକ ସନ୍ଦେହଜନକ ଅବସ୍ଥାରେ ବୁଲୁଥିଲା । ପଚରାଉଚରାରେ ସନ୍ତୋଷ ନ ହେବାରୁ ସିଆରପିଏଫ ଯବାନ ତାର ତଲାସୀ ନେଇଥିଲେ । ଉକ୍ତ ଯୁବକ ନିକଟରୁ ୨ଟି ଛୁରୀ, ଧାର୍ମିକ ପୁସ୍ତକ, ମ୍ୟାପ, ଖାଦ୍ୟ, ପାନୀୟ ଓ ପୋଷାକ ମିିଳିଥିଲା । ଉତର ପାକିସ୍ତାନର ବହାଉଦ୍ଦିନ ସହରରେ ରିଜୱାନ ରହୁଥିବା ଜଣାପଡିଛି । ସ୍ଥାନୀୟ କୋର୍ଟ ଉକ୍ତ ଯୁବକକୁ ୮ ଦିନ ରିମାଣ୍ଡରେ ପଠାଇ ଦିଆଯାଇଛି । ସୂଚନାଯୋଗ୍ୟ, କହ୍ନେୟଲାଲ ହତ୍ୟାରେ ମଧ୍ୟ ପାକିସ୍ତାନ ହାତ ଥିବା ଜଣାପଡିଥିଲା । ଏହାକୁ ନେଇ ଭାରତର ସମସ୍ତ ସୁରକ୍ଷା ଏଜେନ୍ସି ହାଇ ଆଲର୍ଟରେ ରହିଛନ୍ତି ।