ରାଉରକେଲା: କରୋନାଭାଇରସର ମୁକାବିଲା ଲାଗି ଦେଶବ୍ୟାପୀ ଲକଡାଉନ ଜାରି ରହିଥିବା ବେଳେ ରାଉରକେଲାର ଭଣ୍ଡାରୀମାନେ ନିଜ ଜୀବିକା ବଞ୍ଚାଇବା ଲାଗି ଅଭିନବ ପଦକ୍ଷେପ ଗ୍ରହଣ କରିଛନ୍ତି ।
ପ୍ରାପ୍ତ ସୂଚନାନୁଯାୟୀ ରାଉରକେଲାର ଭଣ୍ଡାରୀ ସଂଘ ପକ୍ଷରୁ ସହରରେ ଏବେ ‘ହୋମ୍ ସର୍ଭିସ୍’ ସେବା ଆରମ୍ଭ କରାଯାଇଛି । ଯାହାଫଳରେ ସେମାନେ ଘର ଘର ବୁଲି ଲୋକଙ୍କୁ ସେବା ଯୋଗାଇବା ସହ କିଛି ଅର୍ଥ ରୋଜଗାର କରିପାରିବେ ।
ରାଉରକେଲା ମ୍ୟୁନିସିପାଲିଟି କର୍ପୋରେସନ୍ (ଆରଏମସି) ସହିତ ଏନେଇ ଆଲୋଚନା କରିବା ପରେ ଆସୋସିଏସନ ପକ୍ଷରୁ ଏହି ନିଷ୍ପତ୍ତି ଗ୍ରହଣ କରାଯାଇଛି ।
ଏହି ‘ହୋମ୍ ସର୍ଭିସ୍’ସେବା ଯୋଗାଇବା ପାଇଁ ଆସୋସିଏସନ ଲୋକମାନଙ୍କୁ ମୋବାଇଲ୍ ନମ୍ବର ୯୩୩୭୪୦୦୮୯୮/୯୩୩୭୪୦୦୮୯୧/୮୮୯୫୯୮୮୫୪୧ ରେ କଲ କରିବାକୁ ଅନୁରୋଧ କରିଛି। ଯୋଜନା ମୁତାବକ କଲ୍ ପାଇବା ପରେ, ଭଣ୍ଡାରୀମାନେ ସମ୍ପୃକ୍ତ ବ୍ୟକ୍ତିଙ୍କୁ ଘରକୁ ଯିବା ସହ ସେବା ପ୍ରଦାନ କରିବେ।
ଆରଏମସିର ପ୍ରାଧିକରଣରେ କେବଳ ଏହି ସେବା ଉପଲବ୍ଧ ହେବ।