ଜମୁଛି ପ୍ରଚାର , ୟୁନିଟ-୪ ମାର୍କେଟ ବୁଲି ଭୋଟଭିକ୍ଷା କଲେ କଂଗ୍ରେସ ମେୟର ପ୍ରାର୍ଥୀନୀ ମଧୁସ୍ମିତା

ଭୁବନେଶ୍ୱର : ପୌର ନିର୍ବାଚନ ପାଇଁ ପ୍ରଚାର ଜୋରଦାର । ଭୁବନେଶ୍ୱର ମହାନଗର ନିଗମ ପାଇଁ କଂଗ୍ରେସ ମେୟର ପ୍ରାର୍ଥୀ କରିଥିବା ମଧୁସ୍ମିତା ଆଚାର୍ଯ୍ୟ ଜୋରଦାର ପ୍ରଚାର ଜାରି ରଖିଛନ୍ତି । ଭୋଟରଙ୍କୁ ପ୍ରଭାବିତ କରିବା ପାଇଁ ଚାଲିଛି ଅଭିନବ ପ୍ରୟାସ । ଆଜି ସକାଳୁ ସକାଳୁ ୟୁନିଟ୍ ୪ ମାଛ ମାର୍କେଟ ଓ ପରିବା ହାଟ ବୁଲି ପ୍ରଚାର କରିଛନ୍ତି ମଧୁସ୍ମିତା ଆଚାର୍ଯ୍ୟ ।

ନିଜ ନିଜ ସମର୍ଥକଙ୍କ ସହ ମିଶି କ୍ୟାମ୍ପେନ୍ କରିଥିଲେ ମଧୁସ୍ମିତା । ଏହି ସମୟରେ କର୍ପୋରେଟର ମାନେ ମଧ୍ୟ ସାମିଲ ହୋଇଥିଲେ । ବ୍ୟବସାୟୀ ସଂଘ ଓ ସାଧାରଣ ଲୋକଙ୍କ ସହ ଆଲୋଚନା କରିଥିଲେ ମଧୁସ୍ମିତା । ଭୁବନେଶ୍ୱର ମହାନଗର ନିଗମର ପାର୍କ , ଚା ଖଟି ଓ ଭିଡ ସ୍ଥାନକୁ ଟାର୍ଗଟ କରୁଛନ୍ତି ମେୟର ପ୍ରାର୍ଥୀନୀ । ଏଥର ମେୟର ନିର୍ବାଚନ ପ୍ରତ୍ୟେକ୍ଷ ଭାବେ ହେଉଥିବା ବେଳେ କଂଗ୍ରେସ , ବିଜେଡି ଓ ବିଜେପି ମେୟର ପ୍ରାର୍ଥୀନୀ ଜୋରଦାର ପ୍ରଚାର ଜାରି ରଖିଛନ୍ତି ।