ପୁରୀ: ପୁରୀର ବିଶ୍ୱ ପ୍ରସିଦ୍ଧ ରଥଯାତ୍ରାକୁ ଦେଖିବା ପାଇଁ ଲକ୍ଷଲକ୍ଷ ଭକ୍ତ ଅଣାଇ ବସିଛନ୍ତି । ଏହି ସମୟରେ ପୁରୀରେ ଜଣେ ସେବାୟତ କରୋନା ପଜିଟିଭ ଚିହ୍ନଟ ହେବା ଚିନ୍ତାର ବିଷୟ ପାଲଟିଛି।
Covid 19 Tests of 1143 Servitors were undertaken on 22.6.2020 as per hnbl Supreme Court instructions .Except one all are found negative.Confirm case has been shifted to Covid Hospital before Rath Yatra rituals , Contact tracing is being done and Area has been contained.
— PuriOfficial (@Puri_Official) June 23, 2020
ସୁପ୍ରିମକୋର୍ଟଙ୍କ ନିର୍ଦ୍ଦେଶକୁ ପାଳନ କରାଯାଇ ଗତ ସୋମବାର ଦିନ ପ୍ରାୟ ୧୧୪୩ ସେବାୟତଙ୍କର କୋଭିଡି-୧୯ ପରୀକ୍ଷା କରାଯାଇଥିଲା। ସେମାନଙ୍କ ମଧ୍ୟରୁ ଜଣେ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଅନ୍ୟମାନଙ୍କର ଟେଷ୍ଟ ରିପୋର୍ଟ ନେଗେଟିଭ ବାହାରିଛି ।
ଫଳରେ ରଥ ଯାତ୍ରା ରୀତିନୀତି ପୂର୍ବରୁ ସମ୍ପୃକ୍ତ ସେବାୟତଙ୍କୁ ଚିକିତ୍ସା ଲାଗି କୋଭିଡ ଡାକ୍ତରଖାନାକୁ ସ୍ଥାନାନ୍ତର କରାଯାଇଥିଲା। ତାଙ୍କର କଣ୍ଟାକ୍ଟ ଟ୍ରେସିଂ ଜାରି ରହିଥିବା ନେଇ ଜିଲ୍ଲା ପ୍ରଶାସନ ଟୁଇଟ୍ କରି ଜଣାଇଛନ୍ତି ।
ଶ୍ରୀ ଜଗନ୍ନାଥ ମନ୍ଦିର ପ୍ରଶାସନର ମୁଖ୍ୟ ପ୍ରଶାସକ କ୍ରିଷନ କୁମାର କହିଛନ୍ତି ଯେ ଅବଶିଷ୍ଟ ୨୫ ପ୍ରତିଶତ ସେବାୟତଙ୍କ କୋଭିଡ-୧୯ ପରୀକ୍ଷା ସ୍ୱାସ୍ଥ୍ୟ ବିଭାଗର ଏକ ଟିମ୍ କରୁଛନ୍ତି ।
“ତିନିଟି ରଥ ଟାଣିବା ପାଇଁ ନିୟୋଜିତ ହେବାକୁ ଥିବା ୧୫୦୦ ଲୋକଙ୍କୁ ସର୍ବୋଚ୍ଚ ନ୍ୟାୟାଳୟର ନିର୍ଦ୍ଦେଶ ଅନୁଯାୟୀ ଚିହ୍ନଟ କରାଯାଇଛି। ପୂର୍ବରୁ ୭୫ ପ୍ରତିଶତ କୋଭିଡ-୧୯ ପରୀକ୍ଷା ହୋଇସାରିଛି । ଏହାଛଡା ସ୍ୱାସ୍ଥ୍ୟ ବିଭାଗର ଏକ ଟିମ୍ ଏଠାରେ ଅଛନ୍ତି ଏବଂ ସେମାନେ ବାକି ସେବାୟତମାନଙ୍କ ପରୀକ୍ଷା କରୁଛନ୍ତି। ଆସନ୍ତାକାଲି ସକାଳ ସୁଦ୍ଧା ଫଳାଫଳ ବାହାରିବ” ବୋଲି ସେ କହିଛନ୍ତି।