ଭୁବନେଶ୍ୱର: ପକ୍କା ହେବ କଚ୍ଚା ଘର । ରାଜ୍ୟର ଗରିବ ଓ ନିମ୍ନ ମଧ୍ୟବିତ୍ତଙ୍କ ଲାଗି ଓଡ଼ିଶା ସରକାର ଆରମ୍ଭ କରିଥିବା ‘ମୋ ଘର’ ଯୋଜନା ପାଇଁ ଆଜିଠୁ ଆବେଦନ ପ୍ରକ୍ରିୟା ଆରମ୍ଭ ହୋଇଛି । ଆବଦେନ ପାଇଁ ଆବେଦନକାରୀଙ୍କୁ https://rhodisha.gov.in/moghara/ ରେ ପ୍ରଥମେ ପଞ୍ଜିକରଣ କରିବାକୁ ପଡ଼ିବ ।
ପଞ୍ଜିକରଣ ପରେ ଆବେଦନକାରୀ ନିଜ ମୋବାଇଲ୍ ନମ୍ବର ଓ ଆଧାରକାର୍ଡ ନମ୍ବର ଦେଇ ଲଗଇନ୍ କରି ଆବେଦନ କରିବେ । ଏହାପରେ ଆପଣଙ୍କ ଠିକଣା ଓ ଘର (କୋଠରୀ) ବାବଦରେ ତଥ୍ୟ ଦେବେ । ଆପଣଙ୍କ ଫଟୋ, ଆଧାର କାର୍ଡ, ଆୟ ପ୍ରମାଣପତ୍ର, ଜାତି ପ୍ରମାଣପତ୍ର, ଭିନ୍ନକ୍ଷମ ପ୍ରମାଣପତ୍ର, ଜମି ପଟ୍ଟା, ଭୋଟର ପରିଚୟପତ୍ର, ପାନ୍ କାର୍ଡ, ଜବ୍ କାର୍ଡ ଆଦି ଅପଲୋଡ୍ କରି ଘୋଷଣାନାମା ସ୍ୱୀକାର କରିବାକୁ ପଡ଼ିବ ।
ଆବେଦନ ପାଇଁ ଯୋଗ୍ୟତା ?
- ‘ମୋ ଘର’ ଯୋଜନାର ଆବେଦନକାରୀ ପରିବାର କଚ୍ଚା ଘରେ ଅବା ଗୋଟିଏ ବଖରା ଛାତ ଘରେ ରହୁଥିବେ ।
- ଗୃହ ନିର୍ମାଣ ଯୋଜନାରେ ସହାୟତା ପାଇ ନଥିବା ବା ୭୦ ହଜାର ଟଙ୍କାରୁ କମ୍ ସହାୟତା ପାଇଥିବା ପରିବାର ।
- ମାସିକ ୨୫ ହଜାର ଟଙ୍କାରୁ କମ୍ ଆୟ କରୁଥିବା ପରିବାର ।
- ବ୍ୟକ୍ତିଗତ ବ୍ୟବହାର ପାଇଁ ଚାରି ଚକିଆ ମୋଟର ଗାଡ଼ି ରଖି ନଥିବା ପରିବାର ।
- କୌଣସି ସରକାରୀ/ସରକାରୀ ଉଦ୍ୟୋଗରେ ନିୟମିତ କିମ୍ବା ପେନସନଭୋଗୀ କର୍ମଚାରୀ ନଥିବା ପରିବାର ।
- ପାଞ୍ଚ ଏକର ଜଳସେଚିତ କିମ୍ବାର ପନ୍ଦର ଏକର ଅଣଜଳସେଚିତ ଜମିରୁ କମ୍ ଜମି ଥିବା ପରିବାର ।
‘ମୋ ଘର’ ଯୋଜନାରେ ସୁବିଧା
ଗୃହ ନିର୍ମାଣ ପାଇଁ ସରକାର ୧ ଲକ୍ଷରୁ ୩ ଲକ୍ଷ ଟଙ୍କା ଯାଏ ଋଣ ଦେବେ । ଯେଉଁଥିରେ ନୃତନ ଗୃହ ନିର୍ମାଣ, ସମ୍ପ୍ରସାରଣ, ସମ୍ପୂର୍ଣ୍ଣକରଣ, ଉନ୍ନତିକରଣ ଆଦି ସାମିଲ୍ । ଋଣ ଅର୍ଥ ଉପରେ ସବସିଡି ପ୍ରଦାନ କରିବେ ରାଜ୍ୟ ସରକାର । ଅନୁସୂଚିତ ଜାତି, ଜନଜାତି ଓ ଭିନ୍ନକ୍ଷମ ପରିବାର ମୁଖ୍ୟଙ୍କୁ ଅତିରିକ୍ତ ସବସିଡି ମିଳିବ । ରେଜିଷ୍ଟ୍ରେସନ୍ ଖର୍ଚ୍ଚ, ଷ୍ଟାମ୍ପ ଡ୍ୟୁଟି, ଆଇନ୍ ପରାମର୍ଶ ଫି ଇତ୍ୟାଦି ଛାଡ଼ କରାଯିବ । ପ୍ରଥମ ବର୍ଷ ଋଣ ଶୁଝିବାକୁ ପଡ଼ିବ ନାହିଁ । ପରବର୍ତ୍ତୀ ୧୦ ବର୍ଷରେ ସହଜ ମାସିକ କିସ୍ତି ଆକାରରେ ଋଣ ଶୁଝିବେ ।
କେତ ଋଣରେ କେତେ ସବସିଡି ?
