କଟକ: ଶୁକ୍ରବାର ଠାରୁ ଆରମ୍ଭ ହୋଇଥିବା ପୂଜା ଛୁଟି ପାଇଁ ଓଡ଼ିଶା ହାଇକୋର୍ଟ ବନ୍ଦ ରହିଛି। ନଭେମ୍ବର ୨ ପର୍ଯ୍ୟନ୍ତ ହାଇକୋର୍ଟ ବନ୍ଦ ରହିବା ନେଇ ସୂଚନା ମିଳିଛି। ହାଇକୋର୍ଟ ରେଜିଷ୍ଟ୍ରାରଙ୍କ ଦ୍ୱାରା ପ୍ରକାଶିତ ବିଜ୍ଞପ୍ତି ଅନୁଯାୟୀ ଅକ୍ଟୋବର ୨୮ ରେ ଗୋଟିଏ ଦିନ ପାଇଁ ଶୁଣାଣି ହେବ । ଯେତେବେଳେ ଜଷ୍ଟିସ ଏସ.କେ ମିଶ୍ର ଏବଂ ଜଷ୍ଟିସ ବିପି ରାଉତରାୟଙ୍କୁ ନେଇ ଗଠିତ ଦୁଇ ଜଣିଆ ଖଣ୍ଡପୀଠ ଜରୁରୀକାଳୀନ ମାମଲାର ଶୁଣାଣି କରିବେ।
ଜଷ୍ଟିସ ସଙ୍ଗମ କୁମାର ସାହୁ ଏବଂ ଜଷ୍ଟିସ କେ.ଆର ମହାପାତ୍ର ବ୍ୟକ୍ତିଗତ ଭାବେ ଏହି ମାମଲାର ଶୁଣାଣି କରିବେ। ଅକ୍ଟୋବର ୨୭, ୨୮ ଏବଂ ୨୯ ରେ ସକାଳ ୧୧ ଟାରୁ ଅପରାହ୍ନ ୩ ଟା ପର୍ଯ୍ୟନ୍ତ ହାଇକୋର୍ଟ କାର୍ଯ୍ୟାଳୟ ଖୋଲା ରହିବ। ଛୁଟିଦିନରେ ସକାଳ ୧୧ ଟାରୁ ୧୨ ଟା ମଧ୍ୟରେ ନୂଆ ମାମଲା ଗୁଡିକ ପଞ୍ଜୀକୃତ ହୋଇପାରିବ ବୋଲି ବିଜ୍ଞପ୍ତିରେ ଦର୍ଶାଯାଇଛି।