ନୂଆଦିଲ୍ଲୀ: ପେଟିଏମ ଭାରତର ପ୍ରଥମ ସୋଲାର ସାଉଣ୍ଡବକ୍ସ ଲଞ୍ଚ କରିଛି । ଏହାଦ୍ବାରା ଡିଜିଟାଲ ପେମେଣ୍ଟ ଗ୍ରହଣ କରୁଥିବା ବ୍ୟବସାୟୀଙ୍କ ପାଇଁ ବେଶ ଲାଭଦାୟକ ହେବ । ଏହା ସ୍ବଳ୍ପ ସୂର୍ଯ୍ୟକିରଣରେ ଫୁଲ୍ ଚାର୍ଜ ହେଉଥିବାବେଳେ ପୂରା ଦିନ ଚାଲିଥାଏ । କମ୍ପାନୀ କହିଛି ଯେ, ଏହି ଡିଭାଇସକୁ ଶୀଘ୍ର ଚାର୍ଜ କରିବା ପାଇଁ ସର୍ବନିମ୍ନ ସୂର୍ଯ୍ୟ କିରଣ ଆବଶ୍ୟକ କରେ, ଭାରତର ଛୋଟ ଦୋକାନୀ ଏବଂ ବ୍ୟବସାୟୀଙ୍କୁ ନିରବଚ୍ଛିନ୍ନ ଦେୟ ଏବଂ ନିର୍ଭରଯୋଗ୍ୟ ସେବା ଯୋଗାଇଥାଏ । ଏହି ସାଉଣ୍ଡବକ୍ସ ପରିବେଶ ଅନୁକୂଳ ହେବ ।
Introducing the Paytm Solar Soundbox – an innovation by our Founder & CEO @vijayshekhar that runs on solar power, works even in minimal sunlight, reduces electricity costs and provides instant payment alerts. ☀️🔊
⚡ Auto-charges in sunlight
🔋 10-day long-lasting battery
🥳… pic.twitter.com/MbLvGDhZa6— Paytm (@Paytm) February 20, 2025
ଏଥିରେ ଦୁଇଟି ବ୍ୟାଟେରୀ ଅଛି । ଗୋଟିଏ ଯାହା ସୌର ଶକ୍ତି ଦ୍ୱାରା ଚାର୍ଜ କରାଯାଏ ଏବଂ ଅନ୍ୟଟି ବିଦ୍ୟୁତ୍ ଦ୍ୱାରା ଚାର୍ଜ ହୋଇଥାଏ । ମେଡ୍ ଇନ୍ ଇଣ୍ଡିଆ ପେଟିଏମ୍ ସୋଲାର ସାଉଣ୍ଡବକ୍ସ ହେଉଛି ଏକ ପରିବେଶ ଅନୁକୂଳ ସମାଧାନ ଯାହା ସ୍ୱଳ୍ପ ମୂଲ୍ୟର ବିକଳ୍ପ ଶକ୍ତି ଉତ୍ସ ବ୍ୟବହାର କରେ ।
ସୋଲାର ବ୍ୟାଟେରୀ ଦୁଇ-ତିନି ଘଣ୍ଟା ସୂର୍ଯ୍ୟ କିରଣରେ ରହିଲେ ପୂରା ଦିନ କାମ କରେ । ସେପଟେ ବିଦ୍ୟୁତରେ ଚାର୍ଜ ହେଉଥିବା ବ୍ୟାଟେରୀ ଥରେ ଚାର୍ଜ ହେଲେ ଦଶ ଦିନ ପର୍ଯ୍ୟନ୍ତ ଚାଲିପାରେ । ଏହାଦ୍ବାରା ବ୍ୟାଟେରୀକୁ ବାରମ୍ବାର ଚାର୍ଜ କରିବାକୁ ପଡ଼ିବ ନାହିଁ । ଏହି ଡିଭାଇସ ବ୍ୟବହାର କରି ବ୍ୟବସାୟୀମାନେ ସେମାନଙ୍କ ଦୋକାନରେ ପେଟିଏମ୍ ଦ୍ବାରା ପ୍ରଦାନ କରାଯାଇଥିବା କ୍ୟୁଆର କୋଡ୍ ମାଧ୍ୟମରେ ଦ୍ବାରା ଟଙ୍କା ଗ୍ରହଣ କରିପାରିବେ । ଗ୍ରାମାଞ୍ଚଳ, ଦୁର୍ଗମ ଅଞ୍ଚଳ ସହ ବିଦ୍ୟୁତ୍ ଅଭାବର ସମ୍ମୁଖୀନ ହେଉଥିବା ବ୍ୟବସାୟୀମାନେ ଏଥିରୁ ବିଶେଷ ଭାବରେ ଉପକୃତ ହେବେ ।
Comments are closed.