୪ର୍ଥ ପର୍ଯ୍ୟାୟ ନିର୍ବାଚନ: ୩୨ଟି ଆସନ ଉପରେ ରହିବ ସମସ୍ତଙ୍କ ନଜର, ନିର୍ଦ୍ଧାରଣ ହେବ ହେବିୱେଟ୍ ନେତାଙ୍କ ଭାଗ୍ୟ
ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ର ତୃତୀୟ ପର୍ଯ୍ୟାୟ ଭୋଟ୍ ପରେ ନିର୍ବାଚନର ଅଧା ଯାତ୍ରା ଶେଷ ହୋଇଛି ଏବଂ ବର୍ତ୍ତମାନ ଚତୁର୍ଥ ପର୍ଯ୍ୟାୟର ସମୟ। ଚତୁର୍ଥ ପର୍ଯ୍ୟାୟରେ,୧୭୧୭ ପ୍ରାର୍ଥୀ ୧୦ଟି ରାଜ୍ୟରେ ୯୬ଟି ଲୋକସଭା ଆସନ ପାଇଁ ଲଢୁଛନ୍ତି, ଯାହାର ଭାଗ୍ୟ ମେ ୧୩ରେ ଭୋଟରଙ୍କ ଦ୍ୱାରା ସ୍ଥିର ହେବ। ଏହି ପର୍ଯ୍ୟାୟରେ, ସେହି ଆସନଗୁଡିକରେ ରାଜନୈତିକ ଦଳଗୁଡିକ ପାଇଁ ଏକ ନିର୍ବାଚନ ପରୀକ୍ଷା ଅଛି ଯେଉଁଠାରେ କଂଗ୍ରେସ ଏକଦା ପ୍ରାଧାନ୍ୟ ବିସ୍ତାର କରିଥିଲା। ପ୍ରଧାନମନ୍ତ୍ରୀ ମୋଦୀଙ୍କ ନେତୃତ୍ୱରେ ବିଜେପି ୧୦ ବର୍ଷ ପୂର୍ବେ କଂଗ୍ରେସକୁ ପରାସ୍ତ କରି ଏକକ ସଂଖ୍ୟାରେ ସୀମିତ ରହିଥିଲା। କଂଗ୍ରେସ ଏହାକୁ ଛଡ଼େଇ ନେବାକୁ ଚେଷ୍ଟା କରୁଥିବାବେଳେ ବିଜେପି ନିଜର ଗଡ଼ ବଞ୍ଚାଇବାକୁ ଚେଷ୍ଟା କରୁଛି। କିନ୍ତୁ ଚତୁର୍ଥ ପର୍ଯ୍ୟାୟର ପ୍ରକୃତ ନିର୍ବାଚନ ୩୨ଟି ଆସନ ଉପରେ ରହିଛି। ଏହି ଆସନ ଏପରି ଅଟେ, ଯାହା ଯେକୌଣସି ଦଳର ଖେଳ ବଦଳାଇପାରେ ଏବଂ ରାଜନୀତର ଗଣନାକୁ ବିଗାଡି ପାରେ। ତେଣୁ ବିଶେଷ ୩୨ଟି ଆସନ ଉପରେ ସମସ୍ତଙ୍କର ରହିବ ନଜର।
୨୦୨୪ ନିର୍ବାଚନର ଚତୁର୍ଥ ପର୍ଯ୍ୟାୟରେ ୧୦ଟି ରାଜ୍ୟରେ ୯୬ଟି ଆସନ ଅଛି। ଏହି ପର୍ଯ୍ୟାୟରେ ତେଲେଙ୍ଗାନାରେ ୧୭ଟି ଲୋକସଭା ଆସନ, ଆନ୍ଧ୍ରପ୍ରଦେଶରେ ୨୫, ବିହାରରେ ୫, ଜମ୍ମୁ କାଶ୍ମୀରରେ ୧, ଝାଡଖଣ୍ଡରେ ୪, ମଧ୍ୟପ୍ରଦେଶରେ ୮, ମହାରାଷ୍ଟ୍ରରେ ୧୧, ଓଡିଶାରେ ୪, ପଶ୍ଚିମବଙ୍ଗରେ ୮,ଉତ୍ତରପ୍ରଦେଶରେ ୧୩ଟି ଆସନ ପାଇଁ ନିର୍ବାଚନ ହେବାକୁ ଯାଉଛି। ମେ ୧୩ରେ ଏହି ୯୬ଟି ସିଟ୍ ଉପରେ ଭୋଟ୍ ଦେବା ସହିତ ଦେଶର ୧୮ଟି ରାଜ୍ୟ ତଥା ୪ଟି କେନ୍ଦ୍ରଶାସିତ ଅଞ୍ଚଳରେ ଲୋକସଭା ନିର୍ବାଚନ ପାଇଁ ଭୋଟ୍ ଶେଷ ହେବ।
ମେ ୧୩ରେ ଲୋକସଭା ନିର୍ବାଚନର ଚତୁର୍ଥ ପର୍ଯ୍ୟାୟରେ ଯେଉଁ ୯୬ଟି ଆସନରେ ଭୋଟ୍ ଗ୍ରହଣ ହେବାକୁ ଯାଉଛି ସେହି ଆସନରେ ୨୦୧୯ରେ ବିଜେପି ଅଧିକାଂଶ ଆସନ ଜିତିଥିଲା। ୨୦୧୯ ନିର୍ବାଚନରେ ବିଜେପି ୮୯ଟି ଆସନରେ ପ୍ରତିଦ୍ୱନ୍ଦ୍ୱିତା କରି ୪୨ଟି ଆସନ ଜିତିବାରେ ସଫଳ ହୋଇଥିଲା। ୨୦୧୪ରେ କେବଳ ୩୮ଟି ଆସନ ଏବଂ ୨୦୦୯ରେ ୧୦ଟି ସିଟ୍ ଜିତିବାରେ ବିଜେପି ସଫଳ ହୋଇଥିଲା। ଏହାକୁ ଆକଳନ କଲେ ଲାଗୁଚି ଚଳିତ ନିର୍ବାଚନରେ ପୁଣି ଥରେ ବିଜେପି ଉକ୍ତ ଆସନକୁ ହାତେଇବାରେ ସଫଳ ହେବା ନେଇ ଅନୁମାନ କରାଯାଉଛି।