ଭୁବନେଶ୍ଵର: ଭାରତରେ ସ୍ପିଡ୍ ପୋଷ୍ଟ ବହୁ ବର୍ଷ ଧରି ବ୍ୟବହୃତ ହେଉଛି | ଏହା ମାଧ୍ୟମରେ ଲୋକମାନେ ଗୋଟିଏ ସ୍ଥାନରୁ ଅନ୍ୟ ସ୍ଥାନକୁ ଖୁବ୍ ଶିଘ୍ର ସାମଗ୍ରୀ ପଠାଇପାରନ୍ତି । କିନ୍ତୁ ଏପରି କିଛି ଜିନିଷ ଅଛି ଯାହାକୁ ଆପଣ ସ୍ପିଡ୍ ପୋଷ୍ଟ ମାଧ୍ୟମରେ ପଠାଇପାରିବ ନାହିଁ | ସ୍ପିଡ୍ ପୋଷ୍ଟ ମାଧ୍ୟମରେ ଅନେକ ଜିନିଷ ପଠାଇବାକୁ ବାରଣ କରାଯାଇଛି |
ଆପଣ ଜାଣନ୍ତି କି ଭାରତୀୟ ଡାକ ବିଭାଗ ହେଉଛି ବିଶ୍ୱର ସବୁଠୁ ବଡ ଡାକ ବ୍ୟବସ୍ଥା । ଏହା ଦ୍ଵାରା ଅନେକ ଲୋକଙ୍କ ଜୀବନରେ ଅସୁବିଧା ଅତି ସହଜ ହୋଇଯାଇଛି । ତଥାପି, କିଛି ଏପରି ଜିନିଷ ଅଛି ଯାହା ସ୍ପିଡ୍ ପୋଷ୍ଟ ମାଧ୍ୟମରେ ପଠାଇପାରିବେ ନାହିଁ | ତେବେ ଏହା କ’ଣ ଜାଣିବା |
ଇଣ୍ଡିଆ ପୋଷ୍ଟ ରିପୋର୍ଟ ଅନୁଯାୟୀ, ମୁଦ୍ରା, କରେନ୍ସି ନୋଟ୍ ଏବଂ ବ୍ୟାଙ୍କ ନୋଟ୍ ସ୍ପିଡ୍ ପୋଷ୍ଟ ମାଧ୍ୟମରେ ପଠାଇପାରିବେ ନାହିଁ । ଏହା ବ୍ୟତୀତ ସୁନା ଅଳଙ୍କାର କିମ୍ବା ସ୍ଵର୍ଣ୍ଣ ମୁଦ୍ରା କିମ୍ବା ଅନ୍ୟାନ୍ୟ ସୁନା ସାମଗ୍ରୀ ଯାହାର ମୂଲ୍ୟ ଏକ ଲକ୍ଷରୁ ଅଧିକ ଟଙ୍କା ହୋଇଥିବ ତାହାକୁ ମଧ୍ୟ ସ୍ପିଡ୍ ପୋଷ୍ଟ ମାଧ୍ୟମରେ ପଠାଇପାରିବେ ନାହିଁ | ସେହିପରି ବିପଜ୍ଜନକ ସାମଗ୍ରୀ ଯାହା ସ୍ୱାସ୍ଥ୍ୟ, ସୁରକ୍ଷା, ସମ୍ପତ୍ତି କିମ୍ବା ପରିବେଶକୁ କ୍ଷତି ପହଞ୍ଚାଇଥାଏ ତାହା ମଧ୍ୟ ସ୍ପିଡ୍ ପୋଷ୍ଟ ମାଧ୍ୟମରେ ପଠାଇପାରିବେ ନାହିଁ । ଏପରି ଜିନିଷ ପଠାଇବା ମଧ୍ୟ ବାରଣ କରାଯାଇଛି ଯାହା ପରିବହନ ସମୟରେ ଡାକ ବିଭାଗର ଅଧିକାରୀ କିମ୍ବା ଅନ୍ୟ କାହା ପାଇଁ ବିପଦ ସୃଷ୍ଟି କରିଥାଏ |