ନୂଆଦିଲ୍ଲୀ: କରୋନା ମୁକାବିଲା ପାଇଁ ‘ପିଏମ୍ କେୟାରସ୍’ ଫଣ୍ଡ ଗଠନ କଲେ କେନ୍ଦ୍ର ସରକାର । ଏହି ଫଣ୍ଡରେ ଦାନ କରିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟଙ୍କୁ ନିବେଦନ କରିଛନ୍ତି ।
The PM-CARES Fund accepts micro-donations too. It will strengthen disaster management capacities and encourage research on protecting citizens.
Let us leave no stone unturned to make India healthier and more prosperous for our future generations. pic.twitter.com/BVm7q19R52
— Narendra Modi (@narendramodi) March 28, 2020
ଏଭଳି ଗମ୍ଭୀର ସ୍ଥିତିରେ ଭାରତର ବିଭିନ୍ନ ଲୋକ ଦାନ ପାଇଁ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟକୁ ଅନୁରୋଧ କରୁଛନ୍ତି । ସେମାନଙ୍କ ପାଇଁ ଏହି ‘ପିଏମ୍ କେୟାରସ’ ଫଣ୍ଡ ତିଆରି କରାଯାଇଛି । ପିଏମ୍ କେୟାରସ୍ ଫଣ୍ଡର ପୂରା ନାଁ ହେଉଛି ‘ପ୍ରାଇମ ମିନିଷ୍ଟର୍ସ ସିଟିଜେନ ଆସିଷ୍ଟାନ୍ସ ଆଣ୍ଡ ରିଲିଫ ଇନ୍ ଏମର୍ଜେନ୍ସି ସିଚୁ୍ଏସନ୍ସ ଫଣ୍ଡ’ ।
ଏହି ଫଣ୍ଡର ଅଧ୍ୟକ୍ଷ ପ୍ରଧାନମନ୍ତ୍ରୀ ନିଜେ ରହିବେ । ଏହାସହିତ ପ୍ରତିରକ୍ଷା ମନ୍ତ୍ରୀ, ଗୃହମନ୍ତ୍ରୀ ଏବଂ ଅର୍ଥମନ୍ତ୍ରୀ ଏହାର ସଦସ୍ୟ ରହିବେ । ବିଭିନ୍ନ ସାଧାରଣ ନାଗରିକଙ୍କଠାରୁ ଆରମ୍ଭ କରି ସଂଗଠନମାନେ ଏହି ଫଣ୍ଡରେ ଦାନ କରିପାରିବେ । ଜରୁରୀକାଳିନ ସ୍ଥିତିର ମୁକାବିଲା ପାଇଁ ଏହି ସ୍ୱତନ୍ତ୍ର ଫଣ୍ଡ ତିଆରି କରାଯାଇଛି ।