କପିଲ ଶର୍ମା ଶୋରେ ନଜର ଆସିବେ ପ୍ରଧାନମନ୍ତ୍ରୀ, ଶୋ’କୁ ଯିବା ପୂର୍ବରୁ ଜାଣନ୍ତୁ କ’ଣ କହିଲେ ?
ନୂଆଦିଲ୍ଲୀ : ଅଭିନେତା ତଥା ହାସ୍ୟ ଅଭିନେତା କପିଲ ଶର୍ମା ଘରେ ଘରେ ପରିଚିତ । ସେ ନିଜର ପରିଶ୍ରମ ଦ୍ୱାରା ଏହି ପରିଚୟ ସୃଷ୍ଟି କରିଛନ୍ତି । ଶାହରୁଖ ଖାନ, ସଲମାନ ଖାନ, ଅକ୍ଷୟ କୁମାର, ରାମ ଚରଣ ଏବଂ ଜୁନିଅର ଏନଟିଆର ଭଳି ତାରକାମାନେ ଫିଲ୍ମର ପ୍ରମୋସନ ପାଇଁ କପିଲ ଶର୍ମାଙ୍କ ଶୋ’ରେ ଅଭିନୟ ଜାରି ରଖିଛନ୍ତି । ନିକଟରେ କପିଲ ଶର୍ମା ଏକ ଖୁଲାସା କରିଛନ୍ତି ଯେଉଁଥିରେ ସେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ମଧ୍ୟ ତାଙ୍କ ଶୋ’ରେ ନିମନ୍ତ୍ରଣ କରିଥିଲେ । ଯଦିଓ ପ୍ରଧାନମନ୍ତ୍ରୀ ମୋଦୀ ବର୍ତ୍ତମାନ ଶୋ’ରେ ଯୋଗଦେବାକୁ ମନା କରି ଦେଇଛନ୍ତି ।
ତଥାପି ଗଣମାଧ୍ୟମକୁ କପିଲ ଶର୍ମା କହିଛନ୍ତି ଯେ, ଯେତେବେଳେ ମୁଁ ବ୍ୟକ୍ତିଗତ ଭାବେ ପ୍ରଧାନମନ୍ତ୍ରୀଙ୍କୁ ଭେଟିଥିଲି, ‘‘ମୁଁ ତାଙ୍କୁ କହିଥିଲି ଯେ ସାର୍, ଆମ ଶୋ’କୁ କିଛି ସମୟ ଆସନ୍ତୁ । ଏହି କଥା ଉପରେ ପ୍ରଧାନମନ୍ତ୍ରୀ କହିଥିଲେ ଯେ ବର୍ତ୍ତମାନ ମୋର ବିରୋଧୀମାନେ ବହୁତ କମେଡି କରୁଛନ୍ତି ’’ । ପରେ କପିଲ ଶର୍ମା ପୁନର୍ବାର ପଚାରିଥିଲେ କିଛି ସମୟ ଆମକୁ ସମୟ ଦିଅନ୍ତୁ, ହେଲେ ପ୍ରଧାନମନ୍ତ୍ରୀ ସିଧାସଳଖ ମନା କରି ନାହାଁନ୍ତି । କିନ୍ତୁ ଯଦି ପ୍ରଧାନମନ୍ତ୍ରୀ ଶୋ’କୁ ଆସନ୍ତି ତେବେ ଆମ ପାଇଁ ସୌଭାଗ୍ୟର କଥା ହେବ ।
ତେବେ ହାସ୍ୟ ଅଭିନେତା ଆହୁରି ମଧ୍ୟ କହିଛନ୍ତି ଯେ ‘ଯେତେବେଳେ ମୁମ୍ବାଇରେ ଚଳଚ୍ଚିତ୍ର ସଂଗ୍ରହାଳୟର ଉଦଘାଟନ ହୋଇଥିଲା, ସେତେବେଳେ ପ୍ରଧାନ ମନ୍ତ୍ରୀ ନରେନ୍ଦ୍ର ମୋଦି ସାର୍ ଅନେକ କମେଡି କରିଥିଲେ । ମୋଦିଙ୍କ ଏହି ଥଟ୍ଟାକୁ ସେଠାରେ ଉପସ୍ଥିତ ଥିବା ପୁରା ଇଣ୍ଡଷ୍ଟ୍ରି ବେଶ୍ ଉପଭୋଗ କରିଥିଲେ । ସେଥିପାଇଁ ମୁଁ ଚାହେଁ ଯେ, ଆମେ ଯାହା ଦେଖିଲୁ ତାହା ସମଗ୍ର ବିଶ୍ୱ ଦେଖୁ । ସେଥିପାଇଁ ଆମ ଏହି ଶୋ’କୁ ପ୍ରଧାନମନ୍ତ୍ରୀଙ୍କୁ ଆମନ୍ତ୍ରିତ କରିଛୁ ।
ନିକଟରେ କପିଲ ଶର୍ମା ତାଙ୍କର ନୂଆ ଚଳଚ୍ଚିତ୍ର ଜିଭିଗାଟୋ ବିଷୟରେ ଆଲୋଚନା କରୁଛନ୍ତି। ଏହି ଚଳଚ୍ଚିତ୍ରରେ ତାଙ୍କୁ ଏକ ଡେଲିଭରି ବାଳକ ଭୂମିକାରେ ଅଭିନୟ କରୁଥିବାର ଦେଖିବାକୁ ମିଳିବ । ନନ୍ଦିତା ଦାସଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରଟି ମାର୍ଚ୍ଚ ୧୭ ରେ ପ୍ରେକ୍ଷାଳୟକୁ ଆସିବ । ଏହାପୂର୍ବରୁ କପିଲ ଶର୍ମା ‘କିସ୍ କିସ୍କୋ ପ୍ୟାର କରୁଁ’ ଏବଂ ‘ଫିରଙ୍ଗି’ ଭଳି ଚଳଚ୍ଚିତ୍ରରେ ଅଭିନୟ କରିଛନ୍ତି ।
