ଜନ୍ମଦିନର ଶୁଭେଚ୍ଛା ଜଣାଇଥିବା ଅଭିନେତା ସବ୍ୟସାଚୀଙ୍କୁ ଟ୍ୱିଟ୍ କରି ଧନ୍ୟବାଦ ଜଣାଇଲେ ପ୍ରଧାନମନ୍ତ୍ରୀ ମୋଦି

ଭୁବନେଶ୍ୱର : ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଜନ୍ମଦିନରେ ଟ୍ୱିଟରେ ଶୁଭେଚ୍ଛା ଜଣାଇଥିବା ଓଲିଉଡ ଅଭିନେତା ସବ୍ୟସାଚୀ ମିଶ୍ରଙ୍କୁ ଧନ୍ୟବାଦ ଜଣାଇଛନ୍ତି । ଗତକାଲି ମୋଦି ତାଙ୍କର ୭୦ ତମ ଜନ୍ମଦିନ ପାଳନ କରିଛନ୍ତି ।
ଏହି ଅବସରରେ ସବ୍ୟସାଚୀ ତାଙ୍କୁ ଓଡିଆରେ ଏକ ଟ୍ୱିଟ୍ କରିଥିଲେ ଯେଉଁଥିରେ ସେ ଲେଖିଥିଲେ, ‘ସମ୍ମାନନୀୟ ନରେନ୍ଦ୍ର ମୋଦି ସାର୍ । ଆପଣଙ୍କୁ ଜନ୍ମ ଦିନର ଅନେକ ଅନେକ ଅଭିନନ୍ଦନ । ମହାପ୍ରଭୁ ଶ୍ରୀ ଜଗନ୍ନାଥ ଆପଣଙ୍କର ସବୁ ମଙ୍ଗଳ କାର୍ଯ୍ୟ ସଫଳ କରନ୍ତୁ । ଭାରତ ଆତ୍ମନିର୍ଭରଶୀଳ ହେଉ, ଆପଣ ଦୀର୍ଘାୟୁ ହୁଅନ୍ତୁ । ’

Thank you @sabyaactor. https://t.co/FDhIEynsLk

— Narendra Modi (@narendramodi) September 17, 2020

କେବଳ ସବ୍ୟସାଚୀଙ୍କୁ ନୁହେଁ ଫିଲ୍ମ ନିର୍ମାତା କରୋନ ଜୋହର, ବଲିଉଡ ଅଭିନେତା ହ୍ରିତିକ ରୋଶନ, ଅଭିନେତ୍ରୀ ଅନୁଷ୍କା ଶର୍ମା, ତାଙ୍କ ସ୍ୱାମୀ ତଥା କ୍ରିକେଟର ବିରାଟ କୋହଲି, ବଲିଉଡ ଅଭିନେତା ସୋନୁ ସୁଦ୍‌ଙ୍କ ଶୁଭେଚ୍ଛା ଟ୍ୱିଟରେ ମଧ୍ୟ ଧନ୍ୟବାଦ ଜଣାଇଛନ୍ତି ।

କ୍ରିକେଟର ବିରାଟ କୋହଲିଙ୍କ ଟ୍ୱିଟର ଉତ୍ତର ଦେଇ ସେ କହିଛନ୍ତି , ଧନ୍ୟବାଦ ବିରାଟ କୋହଲି । ମୁଁ ଆପଣଙ୍କୁ ଓ ଅନୁଷ୍କାଙ୍କୁ ମଧ୍ୟ ଅଭିନନ୍ଦନ ଜଣାଉଛି । ମୁଁ ନିଶ୍ଚିତ ଯେ,ଆପଣ ଦୁହେଁ ଭଲ ଅଭିଭାବକ ହୋଇପାରିବେ ।

Thank you @imVkohli! I would also like to congratulate @AnushkaSharma and you. I am sure you will be amazing parents! https://t.co/6IsTEGOhAS

— Narendra Modi (@narendramodi) September 17, 2020