ନୂଆଦିଲ୍ଲୀ: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ଭର୍ଚୁଆଲ୍ ମାଧ୍ୟମରେ ଆଗ୍ରା ମେଟ୍ରୋ ରେଳ ପ୍ରକଳ୍ପର ନିର୍ମାଣ କାର୍ଯ୍ୟକୁ ଉଦଘାଟନ କରିଛନ୍ତି। ଦୁଇଟି କରିଡର ସହିତ ଏହି ପ୍ରକଳ୍ପ ପର୍ଯ୍ୟଟକମାନଙ୍କୁ ସାହାଯ୍ୟ କରିବ। ଏହି ପ୍ରକଳ୍ପ ମାଧ୍ୟମରେ ତାଜମହଲ, ଆଗ୍ରା ଦୁର୍ଗ, ସିକଚନ୍ଦ୍ର ପରି ପର୍ଯ୍ୟଟନ ସ୍ଥାନଗୁଡ଼ିକ ରେଳ ଷ୍ଟେସନ ଏବଂ ବସ୍ଷ୍ଟାଣ୍ଡ ସହିତ ସଂଯୁକ୍ତ ହେବ। ଆଗ୍ରାର ୧୫ ବାଟାଲିୟନ ପିଏସି ପ୍ୟାରେଡ ଗ୍ରାଉଣ୍ଡରେ ଉଦ୍ଘାଟନ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କହିଛନ୍ତି ଯେ ଆଗ୍ରାର ସର୍ବଦା ଏକ ପ୍ରାଚୀନ ପରିଚୟ ରହିଆସିଛି, ବର୍ତ୍ତମାନ ଏଥିରେ ଆଧୁନିକତାର ଏକ ନୂତନ ଦିଗ ଯୋଡାଯାଉଛି, ଶହ ଶହ ବର୍ଷର ଇତିହାସକୁ ବଞ୍ଚାଇ ରଖିଥିବା ଏହି ସହର ବର୍ତ୍ତମାନ ଏକବିଂଶ ଶତାବ୍ଦୀରେ ଯୋଗଦେବାକୁ ପ୍ରସ୍ତୁତ ହେଉଛି। ଆଗ୍ରା ରେ ସ୍ମାର୍ଟ ସୁବିଧା ବିକାଶ ପାଇଁ ପ୍ରାୟ ୧୦୦୦ କୋଟି ଟଙ୍କା ମୂଲ୍ୟର ପ୍ରକଳ୍ପଗୁଡ଼ିକ ଆଗରୁ ଚାଲିଛି।