ବର୍ମିଂହାମ: ରାଜ୍ୟଗୋଷ୍ଠୀ କ୍ରୀଡାର ୯ମ ଦିବସରେ ଭାରତୀୟ ରେସଲର ପୂଜା ଗେହେଲୋଟ ଓ ବକ୍ସର ଜସ୍ମିନ ଲାମ୍ବୋରିୟା ବ୍ରୋଞ୍ଜ ପଦକ ଜିତିଥିବା ବେଳେ ଅବିନାଶ ସାବଲେ ୩୦୦୦ ମିଟର ଷ୍ଟିପେଲଚେଜରେ ରୌପ୍ୟ ପଦକ ହାସଲ କରିଛନ୍ତି । ମହିଳା ୫୦ କିଗ୍ରା ବିଭାଗରେ ପୂଜା ସ୍କଟଲାଣ୍ଡର ପ୍ରତିଦ୍ୱନ୍ଦ୍ୱୀଙ୍କୁ ୧୨-୨ରେ ହରାଇଥିଲେ । ସେହିପରି ମହିଳା ବକ୍ସିଂ ୬୦ କିଗ୍ରା ବିଭାଗର ସେମି ଫାଇନାଲରେ ଇଂଲଣ୍ଡର ଗେମା ପେଜ ରିଚାର୍ଡସନ ୩-୨ରେ ଜସ୍ମିନଙ୍କୁ ପରାସ୍ତ କରିଥିଲେ । ତେବେ ସେମିରେ ପ୍ରବେଶ କରିଥିବାରୁ ସେ ବ୍ରୋଞ୍ଜ ପଦକ ହାସଲ କରିଥିଲେ । ଷ୍ଟିପେଲଚେଜରେ ଅବନିଶ ପ୍ରଭାବୀ ପ୍ରଦର୍ଶନ କରି ସମସ୍ତଙ୍କ ମନ ଜିଣି ପାରିଛନ୍ତି । ଅନ୍ୟ ମୁକାବିଲା ମଧ୍ୟରେ ପ୍ରିୟଙ୍କା ଗୋସ୍ୱାମୀ ୧୦ହଜାର ମିଟର ରେସ ୱାକରେ ବ୍ରୋଞ୍ଜ ହାସଲ କରିଛନ୍ତି ।
Comments are closed.