ମୁମ୍ବାଇ: ବହୁ ପ୍ରତୀକ୍ଷିତ ଫିଲ୍ମ ‘ଆଦିପୁରୁଷ’କୁ ସାଉଥ୍ ସୁପରଷ୍ଟାର ପ୍ରଭାସ ଖୁବ୍ ଚର୍ଚ୍ଚାରେ ଅଛନ୍ତି । ସେ ତିରୁପତି ବାଲାଜୀ ମନ୍ଦିରରେ ପହଞ୍ôଚଥିଲେ । ଫିଲ୍ମ ‘ଆଦିପୁରୁଷ’ ପ୍ରି-ରିଲିଜ ହେବା ପୂର୍ବରୁ ତିରୁପତି ବାଲାଜୀ ମନ୍ଦିରରେ ପୂଜାର୍ଚ୍ଚନା କରିଛନ୍ତି ପ୍ରଭାସ । ପ୍ରଭାସ ମନ୍ଦିରରେ ପୂଜାର୍ଚ୍ଚନା କରିବା ସହ ତିରୁପତି ପ୍ରଭୁ ଭେଙ୍କଟେଶ୍ୱରଙ୍କଠୁ ଆର୍ଶିବାଦ ନେଇଥିଲେ । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ମଙ୍ଗଳବାର ପ୍ରଭାସ ତାଙ୍କ ବଡ଼ିଗାର୍ଡ଼ଙ୍କ ସହ ତିରୁପତି ମନ୍ଦିରରେ ପହଞ୍ôଚଥିଲେ । ତାଙ୍କ ସହିତ ଆଦିପୁରୁଷର ଟିମ୍ ବି ଥିଲେ । ସେଠାରେ ସେ ପୂଜାର୍ଚ୍ଚନା କରିଥିଲେ । ପରେ ସେଠାରେ ଥିବା ସୁପ୍ରଭା ସେବାରେ ମଧ୍ୟ ଭାଗ ନେଇଥିଲେ । ମନ୍ଦିର ବାହାରକୁ ଆସିବା ପରେ ସେଲଫି ନେବାକୁ ପ୍ରଶଂସକମାନେ ଭିଡ଼ ଜମାଇଥିଲେ । ଏହି ସମୟରେ ପ୍ରଭାସ ଧଳା କୁର୍ତ୍ତା ଏବଂ ପାଇଜାମା ପିନ୍ଧିଥିବାର ନଜର ଆସିଛନ୍ତି । ଏହି ସମୟରେ ପ୍ରଭାସ ଧଳା କୁର୍ତ୍ତା ଏବଂ ପାଇଜାମା ପିନ୍ଧି ମନ୍ଦିରରେ ପହଞ୍ଚିବାର ନଜର ଆସିଛନ୍ତି ।
‘ଆଦିପୁରୁଷ’ ଫିଲ୍ମର ଆକ୍ସନ ପ୍ୟାକ ଟ୍ରେଲର ତିରୁପତିଠାରେ ଲଞ୍ଚ ହେବ । ଏହି ଇଭେଣ୍ଟ ୟୁଟ୍ୟୁବ, ଇନଷ୍ଟାଗ୍ରାମ ଏବଂ ଫେସବୁକରେ ସିଧା ପ୍ରସାରଣ ହେବ । ଏହି ଟ୍ରେଲର ତିରୁପତିସ୍ଥିତ ଶ୍ରୀ ଭେଙ୍କଟେଶ୍ୱର ବିଶ୍ୱବିଦ୍ୟାଳୟ ଷ୍ଟାଡିୟମରେ ଏକ ବିଶାଳ କାର୍ଯ୍ୟକ୍ରମରେ କରାଯିବ ।
ଫିଲ୍ମ ‘ଆଦିପୁରୁଷ’ରେ କ୍ରିତି ସୀତା ଭୂମିକାରେ ଅଭିନୟ କରିଥିବା ବେଳେ ପ୍ରଭାସ ରାମ ଭୂମିକାରେ ନଜର ଆସିବେ । ନିକଟରେ ଏହି ଫିଲ୍ମର ଦୁଇଟି ଗୀତ ରିଲିଜ ହୋଇସାରିଛି, ଯାହା ଲୋକଙ୍କ ଖୁବ୍ ପସନ୍ଦ ହୋଇଛି । ଶୈଫ ଅଲି ଖାଁ ରାବଣ ଭୂମିକାରେ ନଜର ଆସିବେ । ଏହି ଫିଲ୍ମ ଜୁନ ୧୬ ତାରିଖରେ ରିଲିଜ ହେବ । ରାମାୟଣର କାହାଣୀକୁ ବଡ଼ ପରଦାରେ ଦେଖିବାକୁ ଦର୍ଶକ ଉତ୍ସାହର ସହିତ ଅପେକ୍ଷା କରି ରହିଛନ୍ତି । ଏହି ଫିଲ୍ମଟି ହାଇବଜେଟ୍ରେ ନିର୍ମିତ ହୋଇଛି । ଏହାର ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିଥିବାରୁ ଫିଲ୍ମଟି ଭଲ ବ୍ୟବସାୟ କରିବ ବୋଲି ପ୍ରଯୋଜନା ସଂସ୍ଥା ଆଶା ରଖିଛି ।
Comments are closed.