ରାଷ୍ଟ୍ରପତିଙ୍କଠୁ ପ୍ରଧାନମନ୍ତ୍ରୀ କିଏ କେମିତି ଜଣାଇଲେ ନବବର୍ଷର ଶୁଭେଚ୍ଛା

ନୂଆଦିଲ୍ଲୀ: ଆସିଛି ନୂଆବର୍ଷ । ପଦାର୍ପଣ କରିଛି ୨୦୨୩ । ଏଇ ବର୍ଷ ଦେଶବାସୀଙ୍କ ପାଇଁ ହେଉ ମଙ୍ଗଳଦାୟକ । ସବୁ ସମସ୍ୟାକୁ ଦୂର କରି ଦେଶବାସୀ ପ୍ରଗତି ପଥରେ ଆଗେଇବାକୁ ସମର୍ଥ ହୁଅନ୍ତୁ । ଏହି ଶୁଭକାମନା କରିଛନ୍ତି ଦେଶର ରାଷ୍ଟ୍ରମୁଖ୍ୟ । ରାଷ୍ଟ୍ରପତି ଦ୍ରୌପଦୀ ମୁର୍ମୁ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଓ ବହୁ ଦିଗଗଜ ନେତା ତଥା ମନ୍ତ୍ରୀ ଦେଶବାସୀଙ୍କ ସଫଳତା ଓ ଦେଶର ବିକାଶ ପାଇଁ କାମନା କରିଛନ୍ତି ।

Happy New Year to all! Greetings and best wishes to all fellow citizens and Indians living abroad. May the Year 2023 bring new inspirations, goals and achievements in our lives. Let us resolve to rededicate ourselves to the unity, integrity and inclusive development of the nation

— President of India (@rashtrapatibhvn) January 1, 2023

ରାଷ୍ଟ୍ରପତି ଦ୍ରୌପଦୀ ମୁର୍ମୁ ଦେଶବାସୀ ତଥା ପ୍ରବାସୀ ଭାରତୀୟଙ୍କୁ ନବବର୍ଷର ଶୁଭେଚ୍ଛା ଟ୍ୱିଟ କରି ଜଣାଇଛନ୍ତି । ୨୦୨୩ ନୂଆ ପ୍ରୋତ୍ସାହନ, ଲକ୍ଷ୍ୟ ଓ ସଫଳତା ଆଣିଦେଉ ବୋଲି ସେ ନିଜ ଟ୍ୱିଟରେ ଉଲ୍ଲେଖ କରିଛନ୍ତି । ଦେଶର ଏକତା, ଅଖଣ୍ଡତା ଓ ସମନ୍ୱିତ ବିକାଶ ପଥରେ ଭାଗୀଦାର ହେବାକୁ ସେ ଆହ୍ୱାନ କରିଛନ୍ତି ।

Have a great 2023! May it be filled with hope, happiness and lots of success. May everyone be blessed with wonderful health.

— Narendra Modi (@narendramodi) January 1, 2023

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ମଧ୍ୟ ନିଜ ଟ୍ୱିଟ୍ ଜରିଆରେ ଦେଶବାସୀଙ୍କୁ ସମ୍ୱୋଧିତ କରିଛନ୍ତି । ନୂଆବର୍ଷର ଅଭିନନ୍ଦନ ଜଣାଇଛନ୍ତି । ନୂଆବର୍ଷ ସମସ୍ତଙ୍କ ଜୀବନରେ ଆଶା, ଆନନ୍ଦ ଓ ପ୍ରଗତି ଭରିଦେଉ ବୋଲି ସେ ଶୁଭମନାସିଛନ୍ତି । ସମସ୍ତଙ୍କ ସୁସ୍ୱାସ୍ଥ୍ୟ କାମନା ବି କରିଛନ୍ତି ମୋଦୀ ।