ନୂଆଦିଲ୍ଲୀ: ‘ବାହୁବଲୀ’ ପ୍ରଭାସଙ୍କ ଅଭିନୀତ ‘ଚଳଚ୍ଚିତ୍ର’ ରାଧେ ଶ୍ୟାମ ‘ଦୀର୍ଘ ଦିନ ଧରି ଚର୍ଚ୍ଚାରେ ରହିଆସିଛି। ଏହି ଚଳଚ୍ଚିତ୍ରରେ ପ୍ରଭାସ ଅଭିନେତ୍ରୀ ପୂଜା ହେଗଡେଙ୍କ ସହ ରୋମାନ୍ସ କରିବେ। ବର୍ତ୍ତମାନ ପର୍ଯ୍ୟନ୍ତ ପୂଜା ଏବଂ ପ୍ରଭାସଙ୍କୁ ବିଭିନ୍ନ ରୂପରେ ଦର୍ଶାଇ ଫିଲ୍ମର ଅନେକ ପୋଷ୍ଟର ରିଲିଜ୍ ହୋଇଛି। ଏବେ ନୂଆ ବର୍ଷ ଅବସରରେ ପ୍ରଭାସ ଫିଲ୍ମର ଆଉ ଏକ ପୋଷ୍ଟର ରିଲିଜ କରିଛନ୍ତି। ଏହି ପୋଷ୍ଟର ସହିତ ପ୍ରଭାସ ମଧ୍ୟ ଘୋଷଣା କରିଛନ୍ତି ଯେ ଫିଲ୍ମ ଚଳିତ ବର୍ଷ ଅର୍ଥାତ୍ ୨୦୨୧ରେ ମୁକ୍ତିଲାଭ କରିବ। ତେବେ ଏପର୍ଯ୍ୟନ୍ତ ତାରିଖ ଘୋଷଣା କରାଯାଇ ନାହିଁ। କିନ୍ତୁ ଖବର ଅନୁଯାୟୀ ଏହି ଫିଲ୍ମ ଚଳିତ ବର୍ଷ ୨୮ ଏପ୍ରିଲରେ ମୁକ୍ତିଲାଭ କରିପାରେ।
ପୋଷ୍ଟର ସହିତ କ୍ୟାପସନରେ ପ୍ରଭାସ ତାଙ୍କ ପ୍ରଶଂସକଙ୍କୁ ନୂତନ ବର୍ଷ ପାଇଁ ଅଭିନନ୍ଦନ ଜଣାଇଛନ୍ତି। ପ୍ରଭାସ ଫଟୋ ସହିତ କ୍ୟାପସନରେ ଲେଖିଛନ୍ତି, ‘ମୋର ପ୍ରିୟ ପ୍ରିୟ ପ୍ରଶଂସକଙ୍କୁ ନୂଆ ବର୍ଷର ଶୁଭେଚ୍ଛା’। # ରାଧେଶ୍ୟାମ୍ # ୨୦୨୧ ୱିଥ୍ ରାଧେ ଶ୍ୟାମ୍।
Comments are closed.