ନୂଆଦିଲ୍ଲୀ: କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ମାର୍ଗଦର୍ଶିକା ଅନୁସାରେ କେତେକ ରାଜ୍ୟ ରେଳବାଇକୁ କୋଭିଡ କେୟାର ସେଣ୍ଟର ପାଇଁ ଅନୁରୋଧ କରିଛନ୍ତି । ଏହାକୁ ଦୃଷ୍ଟିରେ ରଖି ରେଳ ବିଭାଗ ବିଭିନ୍ନ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳକୁ କୋଚ ଆବଣ୍ଟନ କରିଛି । ଉତ୍ତରପ୍ରଦେଶ ଏଥିପାଇଁ ୨୪ଟି ଷ୍ଟେସନ ଚୁଡାନ୍ତ କରିଛି । ସେହିପରି ତେଲଙ୍ଗାନାର ସିକନ୍ଦରାବାଦ, କାଚିଗୁଡା ଓ ଆଦିଲାବାଦରେ କୋଚ ରହଣିର ବ୍ୟବସ୍ଥା ହୋଇଛି । ଦିଲ୍ଲୀ ପାଇଁ ୧୦ଟି କୋଚ ପ୍ରସ୍ତୁତ କରାଯାଇଛି ।
କୋଭିଡ-୧୯ର ମୁକାବିଲା ଲାଗି ଭାରତୀୟ ରେଳ, ସରକାରଙ୍କୁ ସଂପୂର୍ଣ୍ଣ ସହାୟତାର ହାତ ବଢାଇଛି । ଭାରତୀୟ ରେଳ ବିଭିନ୍ନ ରାଜ୍ୟକୁ ୫୨୩୧ଟି କୋଭିଡ କେୟାର ସେଣ୍ଟର ଯୋଗାଇ ଦେଇଛି । ଆଞ୍ଚଳିକ ରେଳବାଇ ମଣ୍ଡଳଗୁଡିକ ଏହି କୋଚଗୁଡିକୁ ସଙ୍ଗରୋଧ ସୁବିଧା କେନ୍ଦ୍ର ଭାବେ ପରିଣତ କରିଛନ୍ତି ।
କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟର ମାର୍ଗଦର୍ଶିକା ଅନୁସାରେ କମ ଲକ୍ଷଣ ଯୁକ୍ତ ସଂକ୍ରମିତ ମାମଲାଗୁଡିକୁ ଏହି ସଙ୍ଗରୋଧ କେନ୍ଦ୍ରଗୁଡ଼ିକରେ ଚିକିତ୍ସା କରାଯାଇପାରିବ । ଯେଉଁସବୁ ରାଜ୍ୟରେ ଏକାନ୍ତବାସ ସୁବିଧା ନିମନ୍ତେ ଶଯ୍ୟାର ଅଭାବ ରହିଛି ସେହି ରାଜ୍ୟଗୁଡିକରେ ଏହାକୁ ସଙ୍ଗରୋଧ କେନ୍ଦ୍ର ଭାବେ ଉପଯୋଗ କରାଯାଇପାରିବ । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଏବଂ ନୀତି ଆୟୋଗର ମିଳିତ କୋଭିଡ ପରିଚାଳନା ଯୋଜନା ଅଧୀନରେ ଏହି ସୁବିଧା ପ୍ରଦାନ କରାଯାଇଛି ।
୨୧୫ଟି ଷ୍ଟେସନ ମଧ୍ୟରୁ ରେଳବାଇ ୮୫ଟି ଷ୍ଟେସନରେ ସ୍ୱାସ୍ଥ୍ୟ ସେବା ସୁବିଧା ଏବଂ ୧୩୦ଟି ଷ୍ଟେସନରେ ରାଜ୍ୟଗୁଡିକ କୋଭିଡ ଚିକିତ୍ସା ପାଇଁ କୋଚଗୁଡିକ ବ୍ୟବହାର କରିବେ । ତେବେ ସମ୍ପୃକ୍ତ ରାଜ୍ୟଗୁଡିକ ଚିକିତ୍ସକ ଓ ଔଷଧପତ୍ର ସୁବିଧା ଯୋଗାଇଦେବେ ।ଭାରତୀୟ ରେଳ ପାନୀୟ ଜଳ ସମେତ ୧୫୮ଟି ଷ୍ଟେସନରେ ଚାର୍ଜିଂ ସୁବିଧାର ବ୍ୟବସ୍ଥା କରିଛି ଏବଂ ସେଥିରୁ ୫୮ଟି କୋଭିଡ କେୟାର ସେଣ୍ଟରରେ ଏହି ସୁବିଧା ଉପଲବ୍ଧ ହେବ ବୋଲି ଭାରତୀୟ ରେଳ ପକ୍ଷରୁ କୁହାଯାଇଛି।
BREAKING NEWS
- ମୋଦି ନା ନବୀନ…କାହା ସହ ଜନମତ ?
- ଘରୋଇ କ୍ରିକେଟରେ ବଡ ଧରଣର ପରିବର୍ତନ କରିବାକୁ ଯାଉଛି ବିସିସିଆଇ, ଉଠିଯିବ ଟସ
- ବିଜେଡିରୁ ଇସ୍ତଫା ଦେଲେ ସାଧୁ ନେପାକ
- ପନ୍ତ ଗୋଟିଏ ମ୍ୟାଚରୁ ବାସନ୍ଦ, ଆରସିବି ବିପକ୍ଷରେ ଖେଳିବେନି
- ଜନସଭାରୁ ମୋଦୀଙ୍କ ଗର୍ଜନ, ରତ୍ନଭଣ୍ଡାର କଥା ଉଠାଇ ରାଜ୍ୟ ସରକାରଙ୍କୁ କଲେ ଟାର୍ଗେଟ
- ‘ଜେଲ୍ ରେ ମୋର ଇନସୁଲିନ୍ ବନ୍ଦ କରିଦେଇଥିଲେ, ମୋର ଭୁଲ କଣ ଥିଲା?’
- ପେଟ୍ରୋଲପମ୍ପ କର୍ମଚାରୀଙ୍କ ସହ ମାରପିଟ ଘଟଣା: ଆପ୍ ବିଧାୟକ ଅମାନତୁଲ୍ଲାଙ୍କୁ ନୋଟିସ୍
- ପ୍ରଦୀପ ମାଝୀ ଓ ତ୍ରିନାଥ ଭଟ୍ଟଙ୍କ ଉପରେ କାର୍ଯ୍ୟାନୁଷ୍ଠାନ ଦାବି କରି ରାଜ୍ୟ ମୁଖ୍ୟ ନିର୍ବାଚନ ଅଧିକାରୀଙ୍କୁ ଭେଟିଲା ବିଜେପି
- ହୃଦୟ ଛୁଇଁଲା ମୋଦୀଙ୍କ ପାଦ ଛୁଇଁ ପ୍ରଣାମ କରିବା ଭିଡିଓ, ସେପଟେ ତୁଳା ବେହେରାଙ୍କୁ କଲେ ପ୍ରଶଂସା
- ଜାତିସଂଘରେ ଋତୁସ୍ରାବ ଛୁଟି ପାଇଁ ନିବେଦନ କଲେ ଓଡ଼ିଆ ଝିଅ