ନୂଆଦିଲ୍ଲୀ: ଅଭିନେତା ରାଜକୁମାର ରାଓଙ୍କ ପ୍ରଶଂସକଙ୍କ ପାଇଁ ରହିଛି ଏକ ଖୁସି ଖବର। ରାଜକୁମାର ରାଓ ୨୦୨୧ ମସିହାରେ ଅଭିନେତ୍ରୀ ଭୁମି ପେଡନେକରଙ୍କ ସହ ଫିଲ୍ମ ‘ବାଧାଇ ଦୋ’ର ସୁଟିଂ ଆରମ୍ଭ କରିବାକୁ ଯାଉଛନ୍ତି। ରାଜକୁମାର ରାଓ ଏବଂ ଭୁମି ପେଡନେକର ନିଜେ ସୋସିଆଲ ମିଡିଆରେ ଏହାକୁ ନିଶ୍ଚିତ କରିଛନ୍ତି। ରାଜକୁମାର ରାଓଙ୍କ ‘ବାଧାଇ ଦୋ’ ଆୟୁଷ୍ମାନ ଖୁରାନାଙ୍କ ସୁପରହିଟ୍ ଫିଲ୍ମ ‘ବାଧାଇ ହୋ’ର ସିକ୍ୱେଲ।
ଏଥି ସହିତ ରାଜକୁମାର ରାଓଙ୍କୁ ବଲିଉଡର କିମ୍ବଦନ୍ତୀ ଚଳଚ୍ଚିତ୍ର ‘ଚୁପ୍କେ ଚୁପ୍କେ’ର ରିମେକରେ ମଧ୍ୟ ଦେଖିବାକୁ ମିଳିବ। ରିପୋର୍ଟ ଅନୁଯାୟୀ, ‘ବାଧାଇ ଦୋ’ର ସୁଟିଂ ଶେଷ ହେବା ପରେ ରାଜକୁମାର ଏହି ଫିଲ୍ମର ସୁଟିଂ ଆରମ୍ଭ କରିବେ। ୧୯୭୫ରେ ମୁକ୍ତିଲାଭ କରିଥିବା କମେଡି ଚଳଚ୍ଚିତ୍ର ‘ଚୁପ୍କେ ଚୁପ୍କେ’ ବଲିଉଡର ଏକ ପ୍ରମୁଖ ଚଳଚ୍ଚିତ୍ର ମଧ୍ୟରୁ ଅନ୍ୟତମ। ଏହି ଚଳଚ୍ଚିତ୍ରରେ ଧର୍ମେନ୍ଦ୍ର ବଟାନୀର ପ୍ରଫେସର ପ୍ୟାରିମଲ ଏବଂ ଅମିତାଭ ବଚ୍ଚନ ଇଂରାଜୀ ପ୍ରଫେସର ‘ସୁକୁମାର ସିହ୍ନା’ର ଚରିତ୍ରରେ ଅଭିନୟ କରିଥିଲେ।
ସୂଚନାଯୋଗ୍ୟ ରାଜକୁମାର ରାଓ ‘ଚୁପ୍କେ ଚୁପ୍କେ’ର ଏହି ସିକ୍ୱେଲରେ ଧର୍ମେନ୍ଦ୍ରଙ୍କ ଉଦ୍ଭିଦ ବିଜ୍ଞାନର ପ୍ରଫେସର ଭୂମିକାରେ ନଜର ଆସିବେ। ତେବେ ଅମିତାଭଙ୍କ ଇଂରାଜୀ ପ୍ରଫେସର ‘ସୁକୁମାର ସିହ୍ନା’ର ଭୂମିକା ପାଇଁ ଜଣେ ଅଭିନେତା ଖୋଜା ଚାଲିଛି।
Comments are closed.