ଲଣ୍ଡନ: ବ୍ରିଟେନର ଫ୍ରାନ୍ସିସ କ୍ରିକ ଇନଷ୍ଟିଚ୍ୟୁଟ ବୈଜ୍ଞାନିକମାନେ ଏକ ଚାଂଚଲ୍ୟକର ଗବେଷଣ କରିଛନ୍ତି । ଏଥିରେ ସେମାନେ ପ୍ରମାଣ କରିପାରିଛନ୍ତି ଯେ, ୧୫୦୦୦ ବର୍ଷ ତଳେ ମଣିଷ ବଣୁଆ ଗଧିଆଙ୍କୁ ପୋଷା ମନେଇ ରଖିଥିଲା । କାଳକ୍ରମେ ଏହା କୁକୁରରେ ପରିଣତ ହୋଇଛନ୍ତି । ୭୨ ପୁରାତନ ପ୍ରଜାତିର ଗଧିଆଙ୍କ ଉପରେ ଗବେଷଣା କରିବା ପରେ ସେମାନେ ଏହି ତଥ୍ୟ ପ୍ରଦାନ କରିଛନ୍ତି । ଏବେକାର କୁକୁର ଏବଂ ସେ ସମୟର ଗଧିଆଙ୍କ ଡିଏନଏରେ ସାମଞ୍ଜସ୍ୟ ରହିଛି । ପୂର୍ବ ୟୁରୋଶିଆର ଲୋକମାନେ ପ୍ରଥମେ ଗଧିଆଙ୍କୁ ପୋଷ ମନେଇଥିଲେ । ଏହା ବିଲୁଆ ଏବଂ ଏହି ଭଳି ଅନ୍ୟ ପ୍ରଜାତି ସହ ମିଳାମିଶା କରିବା ପରେ କାଳକ୍ରମେ ଏହା କୁକୁର ରୂପ ନେଇଥିଲା ।
୧୦,୦୦୦ ବର୍ଷ ତଳେ ଏହି ମିଳାମିଶା ଯୋଗୁ ଏକ ଦୁର୍ଲଭ ଜିନ ଭ୍ୟାରିଆଂଟ ମିଳିଥିଲା । ଯାହା ଏବେ ପ୍ରାୟ ସମସ୍ତ କୁକୁରଙ୍କ ନିକଟରେ ମିଳୁଛି । ୧୬ ଦେଶର ୩୮ ଇନଷ୍ଟିଚ୍ୟୁଟର ବୈଜ୍ଞାନିକମାନେ ଏହି ଗବେଷଣାରେ ଭାଗ ନେଇଥିଲେ । ୩୨,୦୦୦ ବର୍ଷ ତଳର ଏକ ସାଇବେରିୟାନ ଗଧିଆରୁ ଅନେକ କିଛି ତଥ୍ୟ ମିଳିଥିଲା । ଡିଏନଏ ସିକ୍ୟୁନ୍ସିଙ୍ଗରେ ୟୁରୋପରେ ରହୁଥିବା ଗଧିଆଙ୍କ ତୁଳନାରେ ଏସିଆର ପ୍ରାଚୀନ ଗଧିଆଙ୍କ ଡିଏନଏ ଏବେକାର କୁକୁର ସହ ମ୍ୟାଚ କରିଥିଲା ।
Comments are closed.