ଚେନ୍ନାଇ: ଭାରତ-ଇଂଲଣ୍ଡ ଦ୍ୱିତୀୟ କ୍ରିକେଟ ଟେଷ୍ଟର ପ୍ରଥମ ଦିବସରେ ରୋହିତ ଶର୍ମା ରାଜୁତି କରିଛନ୍ତି । ରୋହିତ ୧୬୧ ରନର ଇନିଂସ ଖେଳି ଅନେକଗୁଡିଏ କୀର୍ତିମାନ ସ୍ଥାପନ କରିଛନ୍ତି । ସେ ପ୍ରଥମ ଖେଳାଳି ଭାବେ ଭାରତ ମାଟିରେ ୨୦୦ ଛକା ମାରିବା ଗୌରବ ଅର୍ଜନ କରିଛନ୍ତି । ସେ ଦିନିକିଆରେ ୧୧୫, ଟେଷ୍ଟରେ ୩୬ ଓ ଟି୨୦ରେ ୪୯ ଛକା ମାରିଛନ୍ତି । ମହେନ୍ଦ୍ର ସିଂ ଧୋନୀ ୧୭୫ ଓ ବିରାଟ କୋହଲି ୧୧୦ ଛକା ମାରିଛନ୍ତି । କ୍ରିକେଟର ୩ ଟି ଯାକ ଫର୍ମାଟରେ ରୋହିତଇଂଳଣ୍ଡ ବିପକ୍ଷରେ ଶତକ ହାସଲ କରିଛନ୍ତି । ତାଙ୍କ ବ୍ୟତୀତ କ୍ରିସ ଗେଲ୍ କେବଳ ଏହି ସଫଳତା ହାସଲ କରିଛନ୍ତି ।
ରୋହିତଙ୍କ ଆନ୍ତର୍ଜାତୀୟ କ୍ରିକେଟରେ ଏହା ୪୦ତମ ଶତକ । ସେ ମହମ୍ମଦ ୟୁସୁଫ ଓ ତିଳରତ୍ନେ ଦିଲଶାନଙ୍କ ୩୯ ଶତକ ରେକର୍ଡ ଭାଙ୍ଗିଛନ୍ତି । ଭାରତୀୟ ଖେଳାଳିଙ୍କ ମଧ୍ୟରେ ବିଦେଶରେ କୌଣସି ଶତକ ନ ମାରି ଦେଶରେ ସର୍ବାଧିକ ସେଂଚୁରୀ କରିବା ରେକର୍ଡ ମଧ୍ୟ ରୋହିତଙ୍କ ନାମରେ ରହିଛି । ସେ ୭ଟି ଯାକ ଶତକ ଘରୋଇ ମାଟିରେ ମାରିଛନ୍ତି ।
Comments are closed.