ମସ୍କୋ: ରୁଷିଆ ଏବଂ ୟୁକ୍ରେନ ଯୁଦ୍ଧ ଶେଷ ହେବାର ନାମ ଧରୁ ନାହିଁ । ୫ମାସ ହେବ କ୍ରମାଗତ ଯୁଦ୍ଧ ଯୋଗୁ ଉଭୟ ଦେଶ ସମେତ ବିଶ୍ୱରେ ଆର୍ଥୀକ ମାନ୍ଦାବସ୍ତା ଲାଗି ରହିଛି । ୟୁନାଇଟେଡ ନେଶନର ମଧ୍ୟସ୍ଥତା ଯୋଗୁ ଶେଷରେ ଉଭୟ ଦେଶ ଗୋଟିଏ କଥାରେ ରାଜି ହୋଇଛନ୍ତି । ବ୍ଲାକ ସି ମଧ୍ୟ ଦେଇ ଖାଦ୍ୟ ସାମଗ୍ରୀ ଆମଦାନୀରେ କେହି କାହାର ଜାହାଜ ଅଟକାଇବେ ନାହିଁ । ତୁର୍କିର ଡୋଲମାବାଚେର ଏହି ବୁଝାମଣା ପତ୍ରରେ ଉଭୟ ଦେଶ ସ୍ୱାକ୍ଷର କରିଛନ୍ତି । ରୁଷର କଡା ପଦକ୍ଷେପ ଯୋଗୁ ୟୁକ୍ରେନ ଖାଦ୍ୟ ରପ୍ତାନୀ କରି ପାରୁ ନ ଥିବା ବେଳେ ୟୁରୋପ ଦେଶଗୁଡିକ ରୁଷ ଉପରେ କଟକଣା ଲଗାଇଥିଲେ । ଫଳରେ ବିଶ୍ୱରେ ଘୋର ଖାଦ୍ୟ ସଙ୍କଟ ଦେଖା ଦେଇଥିଲା । ଏହି ୨ ଦେଶ ମାଧ୍ୟମରେ ସାରା ବିଶ୍ୱରେ ୨୪ ପ୍ରତିଶତ ଗହମ ଅଭାବ ପୂରଣ ହୋଇଥାଏ । ଏହା ବ୍ୟତୀତ ୫୭ ପ୍ରତିଶତ ସୂର୍ଯ୍ୟମୂଖୀ ତେଲର ରପ୍ତାନୀ ମଧ୍ୟ ଏମାନେ କରିଥାନ୍ତି । ଏହି ବୁଝାମଣା ପରେ ଉଭୟ ଦେଶ ମଧ୍ୟରେ ଧିରେ ଧିରେ ଶାନ୍ତିର ବାର୍ତା ପାଇଁ ବାଟ ଫିଟିବ ବୋଲି ଆଶା କରାଯାଉଛି ।
Comments are closed.