ଦେବାଶିଷ ସାମନ୍ତରାୟ 
ଏ ବର୍ଷ ବି ସରିଯିବ
ବିଗତ ବର୍ଷମାନଙ୍କ ପରି
ଭୋଗରେ, ଯୋଗରେ,
ମାନରେ , ଅଭିମାନରେ,
ଆସକ୍ତିରେ, ବିରକ୍ତିରେ।
ଦିନ ଓ ସପ୍ତାହ ହୋଇ
ପରସ୍ତ ପରସ୍ତ
ବର୍ଷଟିଏ ଯିବ ସରି
ସାବୁନ ସରିବା ପରି।
ଋତୁଚକ୍ର ଅବା ଜଳଚକ୍ର ପରି
ସବୁ ସରିବା ତ ଆରମ୍ଭ କେବଳ ।
ପୃଥିବୀ ବି କକ୍ଷପଥକୁ
ଫେରେ, ଫେରେ ଘଣ୍ଟାର କଣ୍ଟା
ଆମେ ହୁଏତ ବଦଳିବା,
ନ ବଦଳିବା ବା
କୋଉଠି ଅଟକିଯିବା
ଆରମ୍ଭ ହୋଇନଥିବା
ଗୋଟିଏ ବର୍ଷରେ।
ଯିଏ ସରେ, ସତରେ
କଣ ସିଏ ସରୁଥାଏ?
Comments are closed.