ଗଦାଧର ସାହୁ 
ଶୁଭେଚ୍ଛୁ ମାନଙ୍କ
ସ୍ନେହ ଶ୍ରଦ୍ଧା ପ୍ରେମ
ଶ୍ରଦ୍ଧେୟ ମଙ୍ଗଳ ପାଇଁ,
ଥାଉ ଚିରଦିନ
ରହୁ ଅମଳିନ
ଏତିକି ବିନତି ସାଇଁ ।
ଯେ ପଥେ ଚାଲିବୁ
ତାଙ୍କରି ଆଶିଷେ
ଆମରି ମଙ୍ଗଳ ପାଇଁ,
ସେ ପଥ ତାଙ୍କରି
ଆମେ ପଥଚାରି
ଦି ଦିନ ପଥିକ ହୋଇ ।
ଏ ଜୀବନ କ୍ଷୀଣ
ନୁହେଁ ଚିରଦିନ
ଏ ମହୀମଣ୍ଡଳ ପାଇଁ,
ଜନ୍ମିଛ ମରିବ
ଅମର ହୋଇବ
ଯଶ କିର୍ତ୍ତୀଥିଲେ ଥୋଇ ।
ତାଙ୍କରି କରୁଣା
କେବେ ନୋହୁ ଉଣା
ଝରୁ ଅମୃତର ବାରି,
ସେ ବାରି ଆଶିଷ
ତୁମ ଶୁଭାଶିଷ
ଆମ୍ଭେ ଥିବୁ ପାନକରି ।
Comments are closed.