ଅନୁବାଦ କବିତା : ବିବାହିତାଙ୍କୁ

ମୂଳ ରଚନା : ଜୟ ଗୋସ୍ବାମୀ

କିନ୍ତୁ କଥାଟା କଣ ଜାଣ
ତୁମେ ମୋ ସାମନାରେ ଛିଡ଼ା ହେଲେ ହିଁ
ତୁମ ଭିତରେ ମୁଁ ଏକ
ବନ୍ୟ, ଘଞ୍ଚ ବୁଦା ଦେଖିବାକୁ ପାଏ
ଆଉ ସେ ବୁଦା ଆଢୁଆଳରେ ଏକ ମୃତ ଦେହ ଘୋଡ଼ା ହୋଇ ପଡ଼ିଛି
ଏବଂ ଅନେକ ଦିନ ଧରି ଅଛି।
ମାତ୍ର ଆଶ୍ଚର୍ଯ୍ୟର କଥା
ଏଇ ମୃତଦେହ ପାଣି , ପବନ, ଖରା
ଏବଂ ସବୁ ପ୍ରକାରର କୀଟ ଓ ବିଜାଣୁଙ୍କ ପ୍ରତିରୋଧ କରି ପାରୁଛି।
ସେଇଟା ଜମା ପଚୁ ନାହିଁ।
ବଣର ଜୀବଜନ୍ତୁ ବି ତା ପାଖ ମାଡ଼ନ୍ତି ନାହିଁ।
ରାତିରେ ତା ଦେହରୁ ଏକ ଆଲୋକ ବାହାରେ ।

ମୁଁ ଜାଣେ , ମୃତ ଦେହଟା ମୋର।
କିନ୍ତୁ ବ୍ୟପାରଟା ହେଉଛି ,
ଏଇ ଲୁଚାଛପା
କଥାଟିର ସମାଧାନ ଦରକାର।
ଆଉ ସେଇଟା ହେବ ମଧ୍ୟ,
ଯେଉଁଦିନ ଚାରିଗୋଡ଼ରେ ଡିଆଁ ମାରି ମୁଁ
ଗୋଡ଼ଟାକୁ କାମୁଡ଼ି ଧରି
ଟାଣି ବାହାର କରିବି
ସେଇ ବୁଦା ଭିତରୁ।

ଅନୁବାଦ ମନୋରଞ୍ଜନ ହୋତା