କବିତା : ଲୋହିତ ନିଦ୍ରା

ଇଂରାଜୀ : ଲୁଇସ୍ ଗ୍ଲୁକ୍
ଅନୁବାଦ  :  ବିଦ୍ୟୁତ୍ ପ୍ରଭା ଗନ୍ତାୟତ

ଚିନ୍ତା ନ କରିବା , ଭାବ ନ ରହିବା
ସବୁଠାରୁ ଭଲ
ଓଃ ଏ ଭାବନା !
ଏ ସମ୍ବେଦନା !
ମୋର ସମ୍ୱେଦନା ଅଛି ବୋଲି
ସେମାନେ ମୋ ଉପରେ ଜୁଲୁମ୍ କରନ୍ତି , ହୁକୁମ ଚଲାନ୍ତି

କିନ୍ତୁ ମୋର ଜଣେ ଭଗବାନ ଅଛନ୍ତି ସେ ସୂର୍ଯ
ମୋର କିଛି କଥା ତାଙ୍କ ପାଖରେ ଅଛପା ନାହିଁ
ମୋ ଭିତରର ନିଆଁ ସେ ଦେଖିଛନ୍ତି
ଠିକ୍ ତାଙ୍କ ଭିତରର ଉଷ୍ମତା ପରି
କିନ୍ତୁ ଏତେ ତେଜର ମୂଲ୍ୟ କଣ
ଯଦି ହୃଦୟ ଟିଏ ନାହିଁ
ହେ ମୋର ଭାଇ ଓ ଭଉଣୀ ମାନେ
ତୁମେ ମାନେ ବି କଣ ମୋ ପରି ଥିଲ ?
ଅନେକ ପୂର୍ବରୁ ,
ମଣିଷ ବୋଲାଇବା ଆଗରୁ !

ତୁମେମାନେ କଣ ଜାଣିଶୁଣି ନିଜକୁ ବନ୍ଦୀ କରି ଦେଇ ଥିଲ ?
ଅନ୍ତତଃ ଥରଟିଏ ପାଇଁ
କେବେ ବି ମୁକ୍ତ ହୋଇ ପାରିବନି ବୋଲି ଜାଣି ବି !
ସତେର ମୁଁ ବି ଠିକ୍ ତୁମମାନଙ୍କ ଭଳି ସହଜରେ କଥାବାର୍ତ୍ତା କରୁଛି
ହେଲେ ଭିତରେ ଭିତରେ
ମୁଁ ଖୁବ୍ ବିବ୍ରତ
ଖୁବ୍ ଅସହଜ ।