ଶୁଭନାରାୟଣ ଶତପଥୀ 
ଆସିଛି ଏବେ ଦୋଳପୁନେଇଁ
ତା ପଛେପଛେ ହୋଲି
ଆଲୋକ ମାଳେ ଦାଣ୍ଡ ମନ୍ଦିର
ଦିଶଇ ନେଳି ନାଲି ।
ଅଜା ଓ ଆଈ ଯାଆନ୍ତି ଦେଖ
ସାଥୀରେ ଡଲି ମିଲି
ମେଲି ଦେଇଛି ଦୋକାନୀ ତାର
ଖଇ ଶାକର ଥାଳି ।
ଦୋଳ ବିମାନେ ରାଧା ଓ କୃଷ୍ଣ
ଆସନ୍ତି ଝୁଲି ଝୁଲି
ବିଜେ ହୁଅନ୍ତି ମଣ୍ଡପପରେ
ଫୁଲ କୁଞ୍ଜର ଦୋଳି ।
ପାଞ୍ଜି ପଢ଼ନ୍ତି ନାହକ ଅଜା
ଫୁଲ ବିକନ୍ତି ମାଳି
ମୁଣ୍ଡରେ ନାଇ ଚନ୍ଦନ ଟିପା
ପୂଜକ ମାରେ ତାଳି ।
ତା’ ପରଦିନ ଗାଁ ଦାଣ୍ଡରେ
ପିଲା ହୁଅନ୍ତି ମେଳି
ପିଚକାରୀ ଓ ରଙ୍ଗ ଅବିରେ
ଖେଳନ୍ତି ଡଲି ମିଲି ।
ପାଟି କରନ୍ତି ଅଜା ଓ ଆଈ
ସେତିକି ଥାଉ ହୋଲି
ନାତୁଣୀ ଦୁହେଁ ଚାହିଁ କୁହନ୍ତି
କିଆଁ ଡରଉ ବୋଲି ।
ସବୁଜ ରଙ୍ଗେ ଖେଳୁଛୁ ଖେଳ
ଦେବି ତୋ ଦେହେ ବୋଳି
ହେବନି ଜମା ଚର୍ମରେ ରୋଗ
ହସନ୍ତି ଖିଲିଖିଲି ।
ମୋ- ୯୪୩୮୪୩୨୦୨୩
Comments are closed.