Latest Odisha News

BREAKING NEWS

ଭାରତ ବିପକ୍ଷ ଟେଷ୍ଟ ସିରିଜରୁ ପୁର୍ବରୁ କିୱି ଦଳକୁ ବଡ଼ ଝଟକା: ଆହତ ଯୋଗୁ ସାଣ୍ଟନର ବାଦ୍ ,ଡିନ୍ ଫକ୍ସକ୍ରଫ୍ଟ ସାମିଲ

ଭାରତ ବିପକ୍ଷ ଆଗାମୀ ଟେଷ୍ଟ ସିରିଜ୍ ପୂର୍ବରୁ ନ୍ୟୁଜିଲାଣ୍ଡ କ୍ରିକେଟ୍ ଦଳକୁ ଏକ ବଡ଼ ଝଟକା ଲାଗିଛି। ଦଳର ଅଭିଜ୍ଞ ସ୍ପିନର ତଥା ଅଲରାଉଣ୍ଡର ମିଚେଲ ସାଣ୍ଟନର ହାତରେ ଆଘାତ (ଫ୍ରାକ୍ଚର୍) କାରଣରୁ ଭାରତ ବିପକ୍ଷ ଟେଷ୍ଟ ସିରିଜରୁ ସମ୍ପୂର୍ଣ୍ଣ ବାଦ ପଡ଼ିଛନ୍ତି।

ଭାରତ ବିପକ୍ଷ ପଞ୍ଚମ ତଥା ଶେଷ ଦିନିକିଆ ମ୍ୟାଚ୍ ସମୟରେ ବ୍ୟାଟିଂ କରୁଥିବାବେଳେ ବଲ୍ ବାଜି ସାଣ୍ଟନରଙ୍କ ଡାହାଣ ହାତରେ ଆଘାତ ଲାଗିଥିଲା। ମ୍ୟାଚ୍ ପରେ କରାଯାଇଥିବା ଏକ୍ସ-ରେ ଓ ସ୍କାନ୍ ରିପୋର୍ଟରୁ ତାଙ୍କ ହାତର ହାଡ଼ ଭାଙ୍ଗିଥିବା (ଫ୍ରାକ୍ଚର୍) ସ୍ପଷ୍ଟ ହୋଇଛି। ଡାକ୍ତରୀ ଦଳର ପରାମର୍ଶ ଅନୁଯାୟୀ ତାଙ୍କୁ ସୁସ୍ଥ ହେବା ପାଇଁ କିଛି ସପ୍ତାହ ବିଶ୍ରାମ ନେବାକୁ ପଡ଼ିବ, ଫଳରେ ସେ ଘରୋଇ ମାଟିରେ ହେବାକୁଥିବା ଏହି ଗୁରୁତ୍ୱପୂର୍ଣ୍ଣ ଟେଷ୍ଟ ଶୃଙ୍ଖଳାରୁ ବଞ୍ଚିତ ହୋଇଛନ୍ତି।

ଅନ୍ୟପକ୍ଷରେ, ନ୍ୟୁଜିଲାଣ୍ଡ କ୍ରିକେଟ୍ ବୋର୍ଡ ପକ୍ଷରୁ *ମିଚେଲ ସାଣ୍ଟନରଙ୍କ ବଦଳ ଖେଳାଳି ଭାବରେ ୨୮ ବର୍ଷୀୟ ସ୍ପିନର୍-ଅଲରାଉଣ୍ଡର ଡିନ୍ ଫକ୍ସକ୍ରଫ୍ଟଙ୍କୁ ୧୪ ଜଣିଆ ଟେଷ୍ଟ ସ୍କ୍ୱାଡ୍‌ରେ ସାମିଲ କରାଯାଇଛି। ଘରୋଇ କ୍ରିକେଟରେ ସେଣ୍ଟ୍ରାଲ୍ ଡିଷ୍ଟ୍ରିକ୍ଟସ୍ ପକ୍ଷରୁ ଦମଦାର ପ୍ରଦର୍ଶନ କରିଆସୁଥିବା ଫକ୍ସକ୍ରଫ୍ଟ ଗତ ମେ’ ମାସରେ ଆୟର୍ଲ୍ୟାଣ୍ଡ ବିପକ୍ଷରେ ନିଜର ଟେଷ୍ଟ ପଦାର୍ପଣ କରିଥିଲେ।

ବର୍ତ୍ତମାନ ଆଇସିସି ବିଶ୍ୱ ଟେଷ୍ଟ ଚାମ୍ପିୟନସିପ୍ (WTC) ଫାଇନାଲ୍ ଦୌଡ଼ ଓ ପଏଣ୍ଟ ତାଲିକା ଦୃଷ୍ଟିରୁ ଏହି ସିରିଜ୍ ଉଭୟ ଦଳ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସାଣ୍ଟନରଙ୍କ ଭଳି ଅଭିଜ୍ଞ ଖେଳାଳିଙ୍କ ଅନୁପସ୍ଥିତି ନ୍ୟୁଜିଲାଣ୍ଡ ଦଳର ବୋଲିଂ ଓ ବ୍ୟାଟିଂ ସନ୍ତୁଳନ ଉପରେ ପ୍ରଭାବ ପକାଇବ ବୋଲି କ୍ରିକେଟ୍ ବିଶେଷଜ୍ଞମାନେ ମତ ଦେଇଛନ୍ତି।

Leave A Reply

Your email address will not be published.