ଶିଶୁ କବିତା : ଟିକି ଚଢେଇ

ବନ୍ଦିତା ଦାଶ 

ଟିକି ଚଢେଇ,ଟିକି ଚଢେଇ
ଥଣ୍ଟରେ ନେଉ କିସ,
କେଉଁଠି ରହୁ,କେଉଁଠି ଖାଉ,
କେଉଁଠି ତୋ’ର ଦେଶ ?

ଆକାଶେ ଉଡୁ ମନଖୁସିରେ
କେବେ ବଗିଚାସାରା
ସାଙ୍ଗମେଳରେ ଥାଉ ପୁଣି ତୁ
କେବେ ଏକଲା ବାଆଁରା ।

ବରଷା ଆଗୁ ଘର କରୁତୁ
ଗଛଡାଳ ସନ୍ଧିରେ
କାଠି,କୁଟାକୁ ଗୋଟେଇଆଣି
ନିଜ କୁନି ଥଣ୍ଟରେ।

ଅଳସ କେବେ କରିନୁ ତୁହି
ଥକି ଯାଇନୁ କେବେ
ଠିକ୍ ସମୟେ କାମକୁ ସାରି
ହସୁଥାଉ ନୀରବେ ।

ଆମ ପିଲାଙ୍କୁ ଶିଖାଇ ଦେଏ
ସମୟ ସହ ଚଳ,
ଦେହରେ ଯାହା ଥାଉନା କାହିଁ
ମନରେ ଥାଉ ବଳ ।

ଏଇ ବିଶ୍ବାସେ ଚାଲେ ବ୍ରହ୍ମାଣ୍ଡ
ଚାଲେ ଆମରି ଧରା
ଚାଲରେ ଚାଲ ,ଆମରି ପିଲେ
ନୂଆ ବାରତା ପରା।

ମନରେ ମନ ମିଶେଇ ଦେଇ
ହାତରେ ହାତ ଧରି
ଟିକି ଚଢେଇ ପାରୁଚି କରି
ଆମେ କି ତାର ସରି !!

 କାଂଶବାହାଲ