ପାଟନା: ବିହାରରେ ଏନଡିଏ ସହ ମିଶି ନବମ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେଇଛନ୍ତି ନୀତିଶ କୁମାର । ଶପଥ ପରେ ଆଜି ସରକାରରେ ମନ୍ତ୍ରୀ ମଣ୍ଡଳ ସମ୍ପ୍ରସାରଣ ହୋଇଛି । ମୁଖ୍ୟମନ୍ତ୍ରୀ ନୀତୀଶ କୁମାର ନିଜ ସହିତ ମୋଟ ୫ ଟି ମନ୍ତ୍ରଣାଳୟ ରଖିଥିବାବେଳେ ଡେପୁଟି ସିଏମ ସମ୍ରାଟ ଚୌଧୁରୀ ଏବଂ ଡେପୁଟି ସିଏମ ବିଜୟ ସିହ୍ନାଙ୍କୁ ପ୍ରତ୍ୟେକ ୯ ଟି ଲେଖେଁ ବିଭାଗ ଦିଆଯାଇଛି । ଏହି ସିଟ୍ ବଣ୍ଟନରେ ବିଜେପି ପାଖରେ ୨୩ ଟି ବିଭାଗ ରହିବ ।
୧୯ ଟି ବିଭାଗ ଜେଡିୟୁ ସହିତ, ଦୁଇଟି ବିଭାଗ ‘ହମ୍’ ଏବଂ ଗୋଟିଏ ବିଭାଗ ସ୍ବାଧୀନ ବିଧାୟକଙ୍କ ସହ ରହିବ । ଜାନୁଆରୀ 28 ରେ ନୀତୀଶ କୁମାର ଏବଂ ଅନ୍ୟ 8 ମନ୍ତ୍ରୀ ଶପଥ ଗ୍ରହଣ କରିବା ପରେ ମନ୍ତ୍ରଣାଳୟ ଏପର୍ଯ୍ୟନ୍ତ ବିଭାଜିତ ହୋଇନଥିଲା । ନୂଆ ଏନଡିଏ ସରକାର ଗଠନର ଷଷ୍ଠ ଦିନରେ ମନ୍ତ୍ରଣାଳୟକୁ ବିଭକ୍ତ କରାଯାଇଛି ।
ତେବେ ନୀତିଶ କୁମାର ଗୃହ ଏବଂ ସାଧାରଣ ପ୍ରଶାସନ ବିଭାଗକୁ ନିଜ ପାଖରେ ରଖିଛନ୍ତି । ଡେପୁଟି ସିଏମ ସମ୍ରାଟ ଚୌଧୁରୀଙ୍କୁ ଅର୍ଥ, ସ୍ୱାସ୍ଥ୍ୟ, ନଗର ଉନ୍ନୟନ ଓ ଆବାସ, ଶିଳ୍ପ ଭଳି ଗୁରୁତ୍ୱପୂର୍ଣ୍ଣ ବିଭାଗ ଦିଆଯାଇଛି । ସେହିପରି ଅନ୍ୟ ଜଣେ ଡେପୁଟି ସିଏମ ବିଜୟ ସିହ୍ନାଙ୍କୁ କୃଷି, ସଡକ ନିର୍ମାଣ, ରାଜସ୍ୱ ଏବଂ ଜମି, ଖଣି ଏବଂ ଭୂତତ୍ବ ବିଭାଗ ଭଳି ଗୁରୁତ୍ୱପୂର୍ଣ୍ଣ ବିଭାଗ ଦିଆଯାଇଛି ।
ଜେଡିୟୁ କୋଟା ର ମନ୍ତ୍ରୀ ବିଜୟ ଚୌଧୁରୀ ଶିକ୍ଷା ବିଭାଗ ପାଇଛନ୍ତି । ଏହା ସହିତ ସେ ସଂସଦୀୟ ବ୍ୟାପାର ମନ୍ତ୍ରୀ ମଧ୍ୟ ରହିବେ । ପୂର୍ବ ପରି ଶକ୍ତି ବିଭାଗ ଜେଡିୟୁ ସହିତ ରହିବ । ଶକ୍ତି ସହିତ ଗ୍ରାମୀଣ ବ୍ୟାପାର ଏବଂ ସଂଖ୍ୟାଲଘୁ ବିଭାଗ ବିଜେନ୍ଦ୍ରର ଯାଦବଙ୍କୁ ଦିଆଯାଇଛି ।
ବିଜେପି କୋଟାରୁ ମନ୍ତ୍ରୀ ହୋଇଥିବା ପ୍ରେମ କୁମାରଙ୍କୁ ସହଯୋଗ, ପଛୁଆ ବର୍ଗ ଏବଂ ପଛୁଆ ଶ୍ରେଣୀ କଲ୍ୟାଣ, ବିପର୍ଯ୍ୟୟ ପରିଚାଳନା, ପରିବେଶ ଏବଂ ପର୍ଯ୍ୟଟନ ବିଭାଗ ଆଦ 5 ଟି ଦାୟିତ୍ଵ ଦିଆଯାଇଛି । ସେହିପରି ଜେଡିୟୁରୁ ମନ୍ତ୍ରୀ ଶ୍ରବଣ କୁମାରଙ୍କୁ ଗ୍ରାମ୍ୟ ଉନ୍ନୟନ ମନ୍ତ୍ରଣାଳୟ ସାମାଜିକ କଲ୍ୟାଣ ଏବଂ ଗ୍ରାହକ ସୁରକ୍ଷା ବିଭାଗର ମନ୍ତ୍ରୀ କରାଯାଇଛି । ସନ୍ତୋଷ ସୁମନଙ୍କୁ ଅନୁସୂଚିତ ଜାତି-ଅନୁସୂଚିତ ଜନଜାତି କଲ୍ୟାଣ ବିଭାଗ, ସୂଚନା ପ୍ରଯୁକ୍ତିବିଦ୍ୟା ବିଭାଗ ଦାୟିତ୍ବ ଦିଆଯାଇଛି । ସ୍ବାଧୀନ ବିଧାୟକ ସୁମିତ ସିଂଙ୍କୁ ବିଜ୍ଞାନ, ପ୍ରଯୁକ୍ତିବିଦ୍ୟା ଏବଂ ବୈଷୟିକ ଶିକ୍ଷା ବିଭାଗ ଦିଆଯାଇଛି ।
ଏଥି ସହିତ ଗୃହ ବିଭାଗକୁ ନେଇ ଅନେକ ପ୍ରକାରର ଆଲୋଚନା ଚାଲିଥିଲା, କିନ୍ତୁ ଗୃହ ବିଭାଗ ସିଏମ ନୀତୀଶଙ୍କ ପାଖରେ ରହିବ । ଏହା ପରେ ସିଏମ୍ ନୀତୀଶ କୁମାର ବିଭାଗ ବିଭାଗ ସମ୍ବନ୍ଧୀୟ ଫାଇଲକୁ ରାଜ୍ୟପାଳଙ୍କ ନିକଟକୁ ପଠାଇଛନ୍ତି । ରାଜ୍ୟପାଳଙ୍କ ଅନୁମୋଦନ ପାଇବା ପରେ ଏହାର ବିଜ୍ଞପ୍ତି କ୍ୟାବିନେଟ ସଚିବାଳୟ ଦ୍ୱାରା ପ୍ରଦାନ କରାଯିବ ।