ମୁମ୍ବାଇ: ଅଶ୍ଳୀଳ ଫିଲ୍ମ ପ୍ରଯୋଜନା ମାମଲାରେ ଗିରଫ ହୋଇଥିଲେ ଶିଳ୍ପାଙ୍କ ସ୍ୱାମୀ ରାଜ କୁନ୍ଦ୍ରା । ତଥାପି ଭାଙ୍ଗିନପଡି ଆଗକୁ ବଢିଥିଲେ ଶିଳ୍ପା ସେଟ୍ଟୀ । ଡାନ୍ସ ରିୟାଲିଟି ସୋ’ରେ ଜଜ୍ ଭାବେ ପୁଣି ହାତେଇଥିଲେ ଆସନ, ଆରମ୍ଭ କରିଛନ୍ତି ଟକ୍ ସୋ ‘ସେପ୍ ଅଫ୍ ୟୁ’ । ଯାହା ଜଣାପଡୁଛି ଚଳିତବର୍ଷ ଶିଳ୍ପାଙ୍କ ପାଇଁ ବେଶ ଲକି ସାବ୍ୟସ୍ତ ହୋଇଛି । କାହିଁକି ନା ଗୋଟିଏ ପଟେ ଏକ ଟକ୍ ସୋ ଓ ଅନ୍ୟପଟେ ଏକ ନୂଆ ବଲିଉଡ ପ୍ରୋଜେକ୍ଟରେ ଶିଳ୍ପାଙ୍କୁ ଦେଖିବାକୁ ମିଳିବ ।
ଖୁବଶୀଘ୍ର ରିଲିଜ୍ ହେବାକୁ ଯାଉଛି ଶିଳ୍ପାଙ୍କ ଅପକମିଂ ଫିଲ୍ମ “ସୁଖୀ” । ନିକଟରେ ଏହାର ପୋଷ୍ଟରକୁ ଖୋଦ ଶିଳ୍ପା ସେୟାର କରିଛନ୍ତି । ଏଥିରେ ଶିଳ୍ପାଙ୍କୁ ବିଭିନ୍ନ ଘରକରଣା ସାମଗ୍ରୀ ସହ ପୋଜ୍ ଦେବାରେ ଦେଖିବାକୁ ମିଳିଛି । ଏହି ପୋଷ୍ଟରରେ ହିଁ ଫିଲ୍ମରେ ଶିଳ୍ପାଙ୍କ ଚରିତ୍ର ବିଷୟରେ ଅଳ୍ପ ବହୁତ୍ ଆଭାସ୍ ମିଳିଛି ।
ଟି-ସିରିଜ୍ ଓ ଆବୁଦାନ୍ତିଆ ଏଣ୍ଟରଟନମେଣ୍ଟ ବ୍ୟାନର ତଳେ ନିର୍ମିତ ହୋଇଥିବା ଏହି ଫିଲ୍ମର ନିର୍ଦ୍ଦେଶନା ଭାର ସମ୍ଭାଳିଛନ୍ତି ସୋନାଲ୍ ଯୋଶୀ । ଶୁଣିବାକୁ ମିଳିଛି ଏହି ଫିଲ୍ମରେ କୁଆଡେ ଶିଳ୍ପା ପ୍ରଥମ ଥର ପାଇଁ ନେଭର୍ ସିନ୍ ବିଫୋର୍ ଅବତାରରେ ନଜର ଆସିବେ ।
ଅନ୍ୟପଟେ ଖୁବଶୀଘ୍ର ଫିଲ୍ମି ମିର୍ଚ୍ଚିର ୟୁଟ୍ୟୁବ୍ ଚ୍ୟାନେଲରେ ସେପ୍ ଅଫ୍ ୟୁ ନାମକ ଏକ ଟକ୍ ସୋ’ରେ ଶିଳ୍ପାଙ୍କୁ ଦେଖିବାକୁ ମିଳିବ । ଯେଉଁଥିରେ ସେଲିବ୍ରିଟିମାନେ ନିଜ ମେଣ୍ଟାଲ୍ ଓ ଫିଜିକାଲ୍ ଟ୍ରାନ୍ସଫର୍ମେସନ୍ ବିଷୟରେ ଖୁଲାସା କରିବେ । ଏହି ସୋ’ର ପ୍ରଥମ ଏପିସୋଡରେ ବଲିଉଡ୍ ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜଙ୍କୁ ଦେଖିବାକୁ ମିଳିବ ।
Comments are closed.