ନୂଆଦିଲ୍ଲୀ: ଓମାନ ଉପକୂଳରେ ଏକ ବାଣିଜ୍ୟିକ ଜାହାଜ ଉପରେ ଆକ୍ରମଣପରେ ଏହି ଅଞ୍ଚଳରେ ସାମୁଦ୍ରିକ ସୁରକ୍ଷା ନେଇ ଚିନ୍ତା ସୃଷ୍ଟି ହୋଇଛି। MT ଏଲ୍ ଗାୟା ଉପରେ ଆକ୍ରମଣକୁ ନିନ୍ଦା କରିଛି ଭାରତ।
ସୂଚନା ଅନୁଯାୟୀ, ଏଥିରେ ମୋଟ ୧୪ ଜଣ ଭାରତୀୟ କ୍ରୁ ସଦସ୍ୟ ଥିଲା ବେଳେ ଏପର୍ଯ୍ୟନ୍ତ ୧୩ ଜଣଙ୍କୁ ଉଦ୍ଧାର କରାଯାଇଛି। ଜଣେ ଭାରତୀୟ ନାଗରିକ ଏବେ ବି ନିଖୋଜ ଅଛନ୍ତି। ତାଙ୍କୁ ଉଦ୍ଧାର ପାଇଁ ସର୍ଚ୍ଚ ଅପରେସନ ଜୋରଦାର ଜାରି ରହିଛି। ମସ୍କଟରେ ଥିବା ଭାରତୀୟ ଦୂତାବାସ ପରିସ୍ଥିତି ଉପରେ ନଜର ରଖିଛି।
ଭାରତର ବିବୃତ୍ତି ଅନୁଯାୟୀ, ବାଣିଜ୍ୟିକ ଜାହାଜ MT ଏଲ୍ ଗାୟା ଉପରେ ଓମାନ ଉପକୂଳରେ ଆକ୍ରମଣ କରାଯାଇଥିଲା। ଏଥିରେ ଥିବା ଭାରତୀୟ କ୍ରୁ ସଦସ୍ୟ ଆକ୍ରମଣରେ ପ୍ରଭାବିତ ହୋଇଥିଲେ। ଏପର୍ଯ୍ୟନ୍ତ ୧୪ ଜଣ ଭାରତୀୟଙ୍କ ମଧ୍ୟରୁ ୧୩ ଜଣଙ୍କୁ ଉଦ୍ଧାର କରାଯାଇଛି। ଜଣେ ଭାରତୀୟ ନାଗରିକ ଏବେ ବି ନିଖୋଜ ଅଛନ୍ତି। ଅପରପକ୍ଷରେ ଭାରତ ଏହି ଆକ୍ରମଣକୁ କଡ଼ା ନିନ୍ଦା କରିଛି ଏବଂ ଏହାକୁ ଏକ ବାଣିଜ୍ୟିକ ଜାହାଜକୁ ଟାର୍ଗେଟ କରିବାର ଜନିତ ଗମ୍ଭୀର ଘଟଣା ବୋଲି ବର୍ଣ୍ଣନା କରିଛି।
ଭାରତ କହିଛି ଯେ ନିଖୋଜ ଭାରତୀୟ ନାଗରିକଙ୍କ ସନ୍ଧାନ ଜାରି ରହିଛି। ଓମାନରେ ଥିବା ଭାରତୀୟ ଦୂତାବାସ ସେଠାକାର କର୍ତ୍ତୃପକ୍ଷଙ୍କ ସହ ନିରନ୍ତର ଯୋଗାଯୋଗରେ ଅଛି। ଭାରତ ଏହାର ନାଗରିକମାନଙ୍କ ଉଦ୍ଧାରରେ ସହାୟତା ପାଇଁ ଓମାନ କର୍ତ୍ତୃପକ୍ଷଙ୍କୁ ମଧ୍ୟ କୃତଜ୍ଞତା ଜଣାଇଛି।
ଭାରତ ବାଣିଜ୍ୟିକ ଜାହାଜ ଉପରେ ଆକ୍ରମଣକୁ ସ୍ପଷ୍ଟ ଭାବରେ ନିନ୍ଦା କରିବା ସହ ଏହି ଅଞ୍ଚଳରେ ବଢ଼ୁଥିବା ଉତ୍ତେଜନାକୁ ତୁରନ୍ତ ହ୍ରାସ କରିବା ପାଇଁ ଆହ୍ୱାନ କରିଛି। ଭାରତ କହିଛି ଯେ ଆଲୋଚନା ଏବଂ କୂଟନୀତି ଶାନ୍ତି ପ୍ରତିଷ୍ଠାର ପଥ ହେବା ଉଚିତ।ଏହି ଅଞ୍ଚଳରେ ବାଣିଜ୍ୟିକ ଜାହାଜ, ସାମୁଦ୍ରିକ କର୍ମଚାରୀ, ସାଧାରଣ ନାଗରିକ ଏବଂ ସାଧାରଣ ଭିତ୍ତିଭୂମିକୁ ଟାର୍ଗେଟ କରିବା ଗ୍ରହଣୀୟ ନୁହେଁ। ଏଥିସହିତ ଭାରତ ନାଗରିକ ଏବଂ ବାଣିଜ୍ୟିକ କାର୍ଯ୍ୟକଳାପର ସୁରକ୍ଷା ଉପରେ ମଧ୍ୟ ଗୁରୁତ୍ୱାରୋପ କରିଛି।
Comments are closed.