ମୁମ୍ବାଇ: ଟେଲି ଜଗତର ଚର୍ଚ୍ଚିତ ଅଭିନେତ୍ରୀ ଶ୍ୱେତା ତିୱାରୀଙ୍କ ଝିଅ ପଲକ ତିୱାରୀ । ଖୁବ ଶୀଘ୍ର ପଲକ ବଲିଉଡରେ ହଲଚଲ୍ ଖେଳାଇବାକୁ ଯାଉଛନ୍ତି । ତେବେ ଖାଲି କଥାରେ ନୁହେଁ ବରଂ ନିକଟରେ ଏକ ମ୍ୟୁଜିକ ଭିଡିଓ ଆଲବମରେ ପଲକ ନିଜ ବୋଲ୍ଡ ଅବତାର ଦେଖାଇଛନ୍ତି । ରିଲିଜ୍ ହୋଇଛି ହାର୍ଡି ସାନ୍ଧୁଙ୍କ ସହ ତାଙ୍କ ମ୍ୟୁଜିକ୍ ଭିଡିଓ ଆଲବମ୍ ବିଜଲି ବିଜଲି ।
ଏହି ମ୍ୟୁଜିକ ଭିଡିଓରେ ପଲକଙ୍କର ହଟ୍ ଆଣ୍ଡ ବୋଲ୍ଡ ଅବତାର ଦେଖିବାକୁ ମିଳିଛି । ଏହି ଭିଡିଓ ଆଲବମକୁ ବାଦ୍ ଦେଲେ ଫିଲ୍ମ ରୋଜି – ଦ ସାଫ୍ରନ୍ ଚାପ୍ଟର ଜରିଆରେ ପଲକ ବଲିଉଡରେ ଡେବ୍ୟୁ କରିବେ । ବିବେକ ଓବେରୟଙ୍କ ପ୍ରଯୋଜିତ ଏହି ଫିଲ୍ମରେ ଅର୍ବାଜ ଖାନ ଓ ତନିଶା ମୁଖାର୍ଜୀ ମଧ୍ୟ ନଜର ଆସିବେ ।
ଅନ୍ୟପଟେ ମ୍ୟୁଜିକ ଭିଡିଓ ଆଲବମ କଥା ଯଦି କୁହାଯାଏ, ତେବେ ଏଥିରେ ପଲକ ଆଦୌ ନ୍ୟୁକମର୍ ଭାବେ ଜଣାପଡୁନାହାଁନ୍ତି । ଷ୍ଟାଇଲିସ୍ ଅନ୍ଦାଜ, ଆଟ୍ରାକ୍ଟିଭ ଲୁକ୍ସ ସହ ହାର୍ଡିଙ୍କ ସହ ତାଙ୍କ କେମିଷ୍ଟ୍ରୀ ଖୁବ ଚର୍ଚ୍ଚା ସାଉଣ୍ଟିଛି । ତେବେ ଏଥିରେ କୌଣସି ସନ୍ଦେହ ନାହିଁ ଯେ ପଲକଙ୍କ ଏପରି ଅବତାର ନିଶ୍ଚିତ ଭାବେ ଅନ୍ୟ ଷ୍ଟାର କିଡ୍ସଙ୍କ ପାଇଁ ଚାଲେଂଜ ସୃଷ୍ଟି କରିଛି ।
Comments are closed.