ନୂଆଦିଲ୍ଲୀ: ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଇସ୍ତଫା ଦାବୀ ମଧ୍ୟରେ ତାଙ୍କ ସପକ୍ଷରେ ଠିଆ ହେଇଛନ୍ତି କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରୀ ସ୍ମୃତି ଇରାନୀ ।
ସେ କହିଛନ୍ତି ମୁଖ୍ୟମନ୍ତ୍ରୀ ଏକ ଏସଆଇଟି (ସ୍ୱତନ୍ତ୍ର ଅନୁସନ୍ଧାନକାରୀ ଦଳ) ଗଠନ କରିଛନ୍ତି। ମୋତେ ସୂଚନା ଦିଆଯାଇଛି ଯେ ହାଥ୍ରାସ ପୋଲିସ ଅଧୀକ୍ଷକଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି।
ମୋର ବିଶ୍ୱାସ ଅଛି ଯେ ଥରେ SIT ରିପୋର୍ଟ ବାହାରକୁ ଆସିବା ପରେ ଯୋଗୀ ସମସ୍ତଙ୍କ ଉପରେ କାର୍ଯ୍ୟ କରିବେ ଯେଉଁମାନେ ଏଥିରେ ହସ୍ତକ୍ଷେପ କରିଛନ୍ତି କିମ୍ବା ପୀଡିତାଙ୍କୁ ନ୍ୟାୟ ମିଳିବା ପାଇଁ ଷଡଯନ୍ତ୍ର କରିଛନ୍ତି, ବୋଲି ବାରାଣାସୀରେ ଏକ ସାମ୍ବାଦିକ ସମ୍ମିଳନୀରେ ଶ୍ରୀମତୀ ଇରାନୀ କହିଛନ୍ତି।
ଜାତୀୟ ମହିଳା ଆୟୋଗ (ଏନସିଡବ୍ଲୁ) ପୀଡିତାଙ୍କ ସହାୟତା ପାଇବାକୁ ନିଶ୍ଚିତ କରିବା ପାଇଁ ଆରମ୍ଭରୁ ଜିଲ୍ଲା ପ୍ରଶାସନ ସହ ଯୋଗାଯୋଗରେ ଥିବା ସେ ଦର୍ଶାଇଛନ୍ତି।