ରାଉରକେଲା : ବିଶିଷ୍ଟ ସାହିତ୍ୟ ଅନୁଷ୍ଠାନ ‘ସୁନାଫୁଲ ସାହିତ୍ୟ ସଂସଦ’ ପକ୍ଷରୁ ଅନଲାଇନ ମାଧ୍ୟମରେ ‘ହିନ୍ଦୁ ସଂସ୍କୃତିରେ ଅନ୍ତିମ ସଂସ୍କାର ଓ କରୋନା ବିପତ୍ତିରେ ମାନବିକତା’ ଶୀର୍ଷକରେ ଏକ ଆଧ୍ୟାତ୍ମିକ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି।
ଏହି ଆଲୋଚନାଚକ୍ରରେ ଯୁବ ଆର୍ଯ୍ୟ ସମାଜ ଓ ଦୟାନନ୍ଦ ଆଦର୍ଶ ଗୁରୁକୂଳର ପ୍ରତିଷ୍ଠାତା ପଣ୍ଡିତ ବିରେନ୍ଦ୍ର କୁମାର ପଣ୍ଡା ଅତିଥି ଭାବରେ ଯୋଗ ଦେଇଥିଲେ।
ମନୁଷ୍ୟ ଜୀବନ କାଳରେ ଷୋହଳଟି ସଂସ୍କାର କାର୍ଯ୍ୟ ଯଥା ଗର୍ଭାଧାନ, ପୁଂସବନ, ସୀମାନତେୟନ ଜାତକର୍ମ ନାମକରଣ ନିଷ୍କ୍ରିମଣ, ଅନ୍ନପ୍ରାସନ୍ନ, ଚୂଡ଼ାକର୍ମ କର୍ଣ୍ଣବେଧ ବେଦାରମ୍ଭ , ସମାବର୍ତ୍ତନ, ବିବାହ, ବାନପ୍ରସ୍ଥ , ସନ୍ୟାସ ଓ ଅନ୍ତେଷ୍ଟି ଆଦି କରିଥାଏ। ହିନ୍ଦୁ ଧର୍ମରେ ଶବକୁ ପୋଡ଼ି ଦେବାକୁ ପ୍ରାଧାନ୍ୟ ଦିଆଯାଇଥାଏ। ବର୍ତ୍ତମାନ ସମୟରେ ଅମ୍ଳଜାନ ଅଭାବରୁ ବହୁ ବ୍ୟକ୍ତି ମୃତ୍ୟୁ ମୁଖରେ ପଡୁଛନ୍ତି ଏବଂ ଏଥିପାଇଁ ମନୁଷ୍ୟର ଅବିଚାରିତ ମନ ଓ କାର୍ଯ୍ୟ ଦାୟୀ ବୋଲି ପଣ୍ଡିତ ବିରେନ୍ଦ୍ର ପଣ୍ଡା ମତ ରଖିଥିଲେ। ଏହାସହ କାର୍ଯ୍ୟକ୍ରମରେ ଭାଗ ନେଇଥିବା ବ୍ୟକ୍ତିଙ୍କର ଅନେକ ଆଧ୍ୟାତ୍ମିକ ପ୍ରଶ୍ନର ଉତ୍ତର ମଧ୍ୟ ଶ୍ରୀ ପଣ୍ଡା ରଖିଥିଲେ।
ଏହି ଅବସରରେ ରାଜୀବ ପାଣି , ରଶ୍ମୀବାଲା ରାଉତରାୟ , ରାଜଶ୍ରୀ ପଟ୍ଟନାୟକ , ମଞ୍ଜୁଳା କୁମାରୀ ରଥ, ଶର୍ମିଷ୍ଠା କବି ଶତପଥୀ, ଶଶଧର ପଣ୍ଡା, ସ୍ନିଗ୍ଧା ସାମନ୍ତରାୟ , ଉମାକାନ୍ତ ପଣ୍ଡା , ଅଭିରାମ ସାହୁ , ନିର୍ମଳ ଚନ୍ଦ୍ର ମହାନ୍ତି , ଗୀତାଞ୍ଜଳୀ ପତ୍ରୀ, ଗାୟତ୍ରୀ ବେହୁରା , ସ୍ମୃତି ରଞ୍ଜନ ତ୍ରିପାଠୀ, ଦୀନବନ୍ଧୁ ପୋଇ ସଫଳା ଦାସ , ସୁଧୀର ମିଶ୍ର, ସୁରେନ୍ଦ୍ର ନାଥ ତ୍ରିପାଠୀ , ତ୍ରିନାଥ ପଟ୍ଟନାୟକ, ହରିହର ଶତପଥି ଓ ବିଜୟ ବରାଳ ପ୍ରମୁଖ ଯୋଗ ଦେଇଥିଲେ।
ନିରୂପମା ପତିଙ୍କ ସଂଯୋଜନାରେ ଆୟୋଜିତ ଏହି କାର୍ଯ୍ୟକ୍ରମରେ ସୁରେଶ କୁମାର ମହାନ୍ତି ମନ୍ତ୍ରପାଠ କରିଥିଲେ ଏବଂ ସୁନୀଲ କୁମାର ମହାନ୍ତି ସମ୍ପାଦକୀୟ ବକ୍ତବ୍ୟ ରଖିଥିବା ବେଳେ ନିରଞ୍ଜନ କରଣ ଧନ୍ୟବାଦ ଅର୍ପଣ କରିଥିଲେ।
Comments are closed.