ତାଲିବାନର ଡାକରା; ମହିଳା ଡାକ୍ତର ଓ ସ୍ୱାସ୍ଥ୍ୟକର୍ମୀମାନେ ଚାକିରୀରେ ଯୋଗ ଦିଅନ୍ତୁ

ଭୁବନେଶ୍ୱର: ଜଟିଳରୁ ଜଟିଳ ହେବାରେ ଲାଗିଛି ଆଫାନିସ୍ତାନର ସ୍ଥିତି । ଆତ୍ମଘାତୀ ବିସ୍ଫୋରଣ ଆଫଗାନ ବାସିନ୍ଦାଙ୍କ ମାନସିକତାକୁ ଦୋହଲାଇଦେଇଛି । ମହିଳାମାନଙ୍କୁ ଘରୁ ନ ବାହାରିବାକୁ କଡା ତାଗିଦ୍ କରିଛି ତାଲିବାନ୍ । ତେବେ ଏପରି ସ୍ଥିତିରେ ମହିଳାଙ୍କୁ ନେଇ ତାଲିବାନର ସଦ୍ୟ ନିଷ୍ପତ୍ତି ଅନେକଙ୍କୁ ବିସ୍ମିତ କରିଛି ।

“ତାଲିବାନୀମାନେ ମହିଳାଙ୍କୁ ସମ୍ମାନ ଦେଇ ଶିଖିନାହାଁନ୍ତି” କିଛି ଏପରି କହି ମହିଳାଙ୍କୁ ଘରେ ରହିବାକୁ ତାଲିବାନ ହୁକୁମ୍ ଜାରି କରିଥିଲା । କିଛିଦିନ ତଳେ ଶବନମ୍ ଦାଓରାନ୍ ନାମକ ଜଣେ ମହିଳା ସାମ୍ବାଦିକଙ୍କୁ ତାଲିବାନ ଭୟରେ ତାଙ୍କ ଅଫିସରେ ପ୍ରବେଶ ବାରଣ କରାଯାଇଥିଲା । ହେଲେ ଏବେ ଆଫଗାନିସ୍ତାନର ସମସ୍ତ ହସ୍ପିଟାଲର ମହିଳା ଡାକ୍ତର ତଥା ସ୍ୱାସ୍ଥ୍ୟକର୍ମୀଙ୍କୁ କାର୍ଯ୍ୟରେ ଯୋଗଦେବାକୁ ତାଲିବାନ ଡାକରା ଦେଇଛି । ଏ ନେଇ ଖୋଦ ତାଲିବାନର ପ୍ରବକ୍ତା ସୋହୈଲ ସାହିନ୍ ଏକ ଟୁଇଟ୍ ଜରିଆରେ ଘୋଷଣା କରିଛନ୍ତି ।

All female employees of the Ministry of Public Health both in provinces and the Capital are informed to resume their jobs on regular manner. The Islamic Emirate has no issue with their resumption of jobs.
Z.Mujahid

— Suhail Shaheen. محمد سهیل شاهین (@suhailshaheen1) August 27, 2021

ଅନ୍ୟପଟେ ଦେଶରେ ନୂଆ ସୁରକ୍ଷା ବ୍ୟବସ୍ଥା ଜାରି ହୋଇନଥିବାରୁ ମହିଳାମାନଙ୍କୁ ଘରେ ରହିବାକୁ ନିର୍ଦ୍ଦେଶ ଜାରି ହୋଇଥିଲା ବୋଲି ସୌହେଲ ଜଣାଇଦେଇଛନ୍ତି । ତେବେ ସ୍ଥିତି ଯାହା ବି ହେଉନା କାହିଁକି । ବୋଧ ହୁଏ ତାଲିବାନ ଭାବିବାକୁ ବାଧ୍ୟ ହୋଇଛି, ଯେ ନାଗରିକଙ୍କ ବିନା ସମର୍ଥନରେ ଆଫଗାନିସ୍ତାନକୁ ନିୟନ୍ତ୍ରଣ କରିବା ଅସମ୍ଭବ । ଖାସ ଏହି କାରଣରୁ ପ୍ରାଥମିକ ପର୍ଯ୍ୟାୟରେ କେବଳ ସ୍ୱାସ୍ଥ୍ୟ ବିଭାଗରେ କାର୍ଯ୍ୟରତ ମହିଳାଙ୍କୁ କାର୍ଯ୍ୟରେ ଯୋଗଦେବାକୁ ଅନୁମତି ମିଳିଛି ।