ଭୁବନେଶ୍ୱର: ସୁନ୍ଦର ତ୍ୱଚା କାହାକୁ ବା ପସନ୍ଦ ନୁହେଁ। ଏଥିପାଇଁ ଝିଅମାନେ ଦାମିଦାମୀ କସମେଟିକ୍ସର ବ୍ୟବହାର ମଧ୍ୟ କରିଥାଆନ୍ତି।
ଘରେ ଥିବା ଟମାଟୋକୁ ବ୍ୟବହାର କରି ଆପଣ ସୁନ୍ଦର, ଦାଗ ମୁକ୍ତ ଓ ଗୋରା ତ୍ୱଚା ପାଇପାରିବେ। ଟମାଟୋରେ ଥିବା ଫୋଲିକ ଏସିଡ଼, ଭିଟାମିନ ସି, ମିନେରାଲ୍ସ ତ୍ୱଚାକୁ ଗୋରା ଓ ସୁନ୍ଦର କରିଥାଏ। ଜାଣନ୍ତୁ କିଭଳି ଏହାର ବ୍ୟବହାର କରିବେ….
ଟମାଟୋ ଓ ଦହି:
୨ ଚାମଚ ଟମାଟୋ ରସରେ ୨ ଚାମଚ ଦହି ମିଶାଇ ଏହାକୁ ମୁହଁରେ ଲଗାନ୍ତୁ। ମୁହଁରେ ଲଗାଇ ଏହାକୁ ୨୦ ମିନିଟ ରଖନ୍ତୁ। ଏପରି ସପ୍ତାହକୁ ୨ଥର ଲଗାନ୍ତୁ। ନିଜେ ଏହାର ଚମତ୍କାରିତା ଅନୁଭବ କରିବେ।
ଟମାଟୋ ଓ ମହୁ:
୨ ଚାମଚ ଟମାଟୋ ରସରେ ଏକ ଚାମଚ ମହୁ ମିଶାଇ ଏହାକୁ ମୁହଁରେ ଲଗାନ୍ତୁ। ୨୦ ମିନିଟ ପରେ ମୁହଁକୁ ଧୋଇ ଦିଅନ୍ତୁ। ଏହା ମୁହଁକୁ ଗୋରା ଓ ସୁନ୍ଦର କରିଥାଏ।
ଟମାଟୋ ଓ ଏଲୋବେରା ଜେଲ୍:
୨ ଚାମଚ ଟମାଟୋ ରସରେ ୧ ଚାମଚ ଏଲୋବେରା ଜେଲ୍ ମିଶାଇ ଏହାକୁ ମୁହଁରେ ଲଗାନ୍ତୁ। ଏହାକୁ ଲଗାଇବା ଦ୍ୱାରା ମୁହଁରେ ଥିବା ସମସ୍ତ ଦାଗ ଦୂର ହେବା ସହ ଆଖିତଳର କଳାଦାଗ ମଧ୍ୟ ଦୂର ହୋଇଥାଏ। ଏହାକୁ ମୁହଁରେ ଲଗାଇ ୨୦ ମିନିଟ ରଖି ଧୋଇ ଦିଅନ୍ତୁ।