କିଏ କହିଲା ? କଙ୍ଗନା ରଣାୱତ ଭଗତ ସିଂଙ୍କ ସହ ସମାସ୍କନ୍ଦ !

ମୁମ୍ବାଇ: ଜାରି ରହିଛି ଶିବସେନା ସହ କଙ୍ଗନାଙ୍କର ଖୁଲମଖୋଲା ଟକ୍କର । ପରେ କଙ୍ଗନାଙ୍କ ମୁମ୍ବାଇ ଅଫିସକୁ ମୁନିସିପାଲିଟି ଧ୍ୱସ୍ତ ବି କରିଥିଲା । ହେଲେ ଏବେ କଙ୍ଗନାଙ୍କୁ ସହିଦ ଭଗତ ସିଂଙ୍କ ସହ ତୁଳନା କରାଯାଇଛି । ଏହି ତୁଳନା କୌଣସି ସାଧାରଣ ଲୋକ ନୁହେଁ ବରଂ ଜଣେ ଜଣାଶୁଣା ଅଭିନେତା ସୋସିଆଲ ମିଡିଆରେ ପ୍ରକାଶ କରିଛନ୍ତି ।

ତାମିଲ ଅଭିନେତା ବିଶାଲ । ନିଜ ରୋକଠୋକ ମନ୍ତବ୍ୟ ପାଇଁ ସେ ବେଶ ଜଣାଶୁଣା । ନିକଟରେ ସୋସିଆଲ ମିଡିଆରେ ଏହି ଅଭିନେତା କଙ୍ଗନାଙ୍କୁ ସମର୍ଥନ କରିବା ସହ ତାଙ୍କୁ ଭଗତ ସିଂଙ୍କ ସହ ତୁଳନା କରିଥିଲେ । ସରକାର ବିରୋଧରେ କେହି ମୁହଁ ଖୋଲିନଥାନ୍ତି । ହେଲେ ତୁମେ ତାହାର ବ୍ୟତିକ୍ରମ । ସତ୍ୟ ପାଇଁ ଅନ୍ୟୟ ବିରୋଧରେ ଏହି ଲଢେଇରେ ବିଶାଲ ବି କଙ୍ଗନାଙ୍କ ସାଥିରେ ଥିବା ପ୍ରକାଶ କରିଛନ୍ତି ।

Dear @KanganaTeam pic.twitter.com/73BY631Kkx

— Vishal (@VishalKOfficial) September 10, 2020

ତେବେ କଙ୍ଗନାଙ୍କ ସମର୍ଥନରେ କେବଳ ବିଶାଲ ନୁହଁନ୍ତି । ବରଂ ଦିୟା ମୀର୍ଜା ବି କଙ୍ଗନାଙ୍କ ସମର୍ଥନ ତଥା ଅନ୍ୟାୟ ବିରୋଧରେ ସ୍ୱର ଉତ୍ତୋଳନ କରିଥିଲେ । ତାଜା ସ୍ଥିତିରେ କଙ୍ଗନାଙ୍କ ମୁମ୍ବାଇ ଅଫିସ ବିଧ୍ୱସ୍ତ ହୋଇ ପଡିଛି । ଏପରି ସ୍ଥିତିରେ ଭଙ୍ଗା ଘରେ ହିଁ କଙ୍ଗନା କାମ କରିବା ନେଇ ପ୍ରକାଶ କରିଛନ୍ତି । ପ୍ରକାଶ ଥାଉ କି ଜାନୁଆରୀ ୧୫ରେ କଙ୍ଗନା ମୁମ୍ବାଇରେ ନିଜ ଅଫିସର ପ୍ରତିଷ୍ଠା କରିଥିଲେ ।