ଟି୨୦ କ୍ରିକେଟକୁ ଅଲବିଦା କହିଲେ ତାମିମ ଇକବାଲ

ଢ଼ାକା: ବାଂଲାଦେଶର ଷ୍ଟାର ବ୍ୟାଟ୍ସମ୍ୟାନ ତାମିମ ଇକବାଲ ରବିବାର ଆନ୍ତର୍ଜାତୀୟ ଟି୨୦ କ୍ରିକେଟକୁ ଅଲବିଦା କହିଛନ୍ତି । ୱେଷ୍ଟଇଣ୍ଡିଜ ଦିନିକିଆ ସିରିଜରେ ବାଂଲାଦେଶ କ୍ଲିନ ସୁଇପ କରିବା ପରେ ସେ ହଠାତ ଏହି ଘୋଷଣା କରିଛନ୍ତି । ସୋସିଆଲ ମିଡିଆରେ ସେ ପୋଷ୍ଟ କରିଛନ୍ତି ଯେ, ଆଜିଠାରୁ ମୋର ଟି୨୦ କ୍ୟାରିୟର ଶେଷ ବୋଲି ଧରି ନିଅ । ସମସ୍ତଙ୍କୁ ଧନ୍ୟବାଦ । ୨୦୦୭ରେ କେନିୟା ବିପକ୍ଷରେ ସେ ଟି୨୦ରେ ପଦାର୍ପଣ କରିଥିଲେ । ତାମିମ ୱେଷ୍ଟଇଣ୍ଡିଜ ବିପକ୍ଷ ଦିନିକିଆ ସିରିଜରେ ୩ ମ୍ୟାଚରେ ୧୧୭ ରନ କରି ପ୍ଲେୟାର ଅଫ ଦି ଟୁର୍ଣ୍ଣାମେଂଟ ହୋଇଥିଲେ । ଏବେ ସେ ଟେଷ୍ଟ ଏବଂ ଦିନିକିଆରେ ମନୋନିବେଶ କରିବେ ବୋଲି କହିଛନ୍ତି । ସେ ମାର୍ଚ୍ଚ ୨୦୨୦ରେ ଶେଷ ଟି୨୦ ମ୍ୟାଚ ଖେଳିଥିଲେ ।