ଲକ୍ଷ୍ନୌ: କେନ୍ଦ୍ରମନ୍ତ୍ରୀ ତଥା ଆମେଠି ସାଂସଦ ସ୍ମୃତି ଇରାନୀ ନିକଟରେ ତାଙ୍କ ସଂସଦୀୟ କ୍ଷେତ୍ର ଗସ୍ତ କରିଥିଲେ। ଏହି ସମୟରେ ବକେୟା ଦରମା ପାଇନଥିବା କହି ଅବସରପ୍ରାପ୍ତ ସ୍କୁଲ ଶିକ୍ଷକ ତାଙ୍କ ସମସ୍ୟା କହିଥିଲେ। ଏହାପରେ ତୁରନ୍ତ ପଦକ୍ଷେପ ନେଇଛନ୍ତି ପୂର୍ବତନ କେନ୍ଦ୍ରଶିକ୍ଷାମନ୍ତ୍ରୀ ତଥା ଏବେର ମହିଳା ଓ ଶିଶୁ ବିକାଶ ମନ୍ତ୍ରୀ।
ଶୁକ୍ରବାର ଏକ କାର୍ଯ୍ୟକ୍ରମରେ ଯୋଗ ଦେବା ବେଳେ କିଛି ଅସହାୟ ଅବସରପ୍ରାପ୍ତ ଶିକ୍ଷକ ଶ୍ରୀମତୀ ଇରାନୀଙ୍କ ନିକଟକୁ ଯାଇ ବକେୟା ଦରମା ସମ୍ପର୍କରେ ନିଜର ଅଭିଯୋଗ ଜଣାଇଥିଲେ। ସେମାନଙ୍କ ସମସ୍ୟା ଶୁଣିବା ପରେ ଶ୍ରୀମତୀ ଇରାନୀ ତୁରନ୍ତ ଜିଲ୍ଲା ସ୍କୁଲ ନିରୀକ୍ଷକଙ୍କ ସହ ଯୋଗାଯୋଗ କରି ବିଳମ୍ବ ନକରି ସମସ୍ୟାର ସମାଧାନ କରିବାକୁ ନିର୍ଦ୍ଦେଶ ଦେଇଥିଲେ।
ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ବାର୍ତ୍ତାଳାପରେ ଶ୍ରୀମତୀ ଇରାନୀ ସମସ୍ତ ବକେୟା ପୈଠ କରିବାକୁ ଅଧିକାରୀଙ୍କୁ ଦୃଢ଼ ନିର୍ଦ୍ଦେଶ ଦେଉଥିବା ଶୁଣିବାକୁ ମିଳୁଛି।
ଆମେଠିର ପ୍ରତ୍ୟେକ ବାସିନ୍ଦାଙ୍କ ପାଖରେ ସିଧାସଳଖ ଯୋଗାଯୋଗ ରହିଛି ବୋଲି ସେ ଗୁରୁତ୍ୱାରୋପ କରିବା ସହ ମାମଲା ପରିଚାଳନାରେ ମାନବିକତା ପ୍ରଦର୍ଶନ କରିବାକୁ ଅନୁରୋଧ କରିଥିଲେ।
Watch | Teachers Complain To Smriti Irani About Unpaid Salaries. Then This Happens
Read More: https://t.co/5HRFLwj817 pic.twitter.com/e4a7q2YEjg
— NDTV (@ndtv) December 30, 2023
ଶ୍ରୀମତୀ ଇରାନୀ ଶିକ୍ଷକମାନଙ୍କ ସମସ୍ୟାକୁ ତୁରନ୍ତ ସମାଧାନ କରିବା ଉପରେ ଗୁରୁତ୍ୱାରୋପ କରି କହିଥିଲେ ଯେ ଯୋଗୀ ଆଦିତ୍ୟନାଥ ସରକାର ଶିକ୍ଷକମାନଙ୍କୁ ସେମାନଙ୍କ ପ୍ରାପ୍ୟ ପାଇବା ସୁନିଶ୍ଚିତ କରିବାକୁ ପ୍ରତିଶ୍ରୁତିବଦ୍ଧ । ତୁରନ୍ତ ପଦକ୍ଷେପ ନେଇ ପରିସ୍ଥିତିର ସମାଧାନ କରିବାକୁ ସେ ଶିକ୍ଷା ଅଧିକାରୀଙ୍କୁ ଅନୁରୋଧ କରିଥିଲେ।
ଇରାନୀଙ୍କ ଏହି ତ୍ୱରିତ ପ୍ରତିକ୍ରିୟା ଅବସରପ୍ରାପ୍ତ ଶିକ୍ଷକମାନଙ୍କ ପାଇଁ ନୂଆ ଆଶା ଆଣିଛି, ଯେଉଁମାନେ ସେମାନଙ୍କର ପ୍ରାପ୍ୟ କୁ ଅପେକ୍ଷା କରିଛନ୍ତି।
Comments are closed.