ସିରିଏଲ ନାଗିନ୍ ୬ ରୁ ବିଦାୟ ନେଲେ ତେଜସ୍ୱୀ

ମୁମ୍ବାଇ: ଛୋଟ ପରଦାର ଲୋକପ୍ରିୟ ଅଭିନେତ୍ରୀ ତେଜସ୍ୱୀ ପ୍ରକାଶ ଏକତା କପୁରଙ୍କ ଧାରାବାହିକ ‘ନାଗିନ୍ ୬’ ରୁୁ ବିଦାୟ ନେଇଛନ୍ତି । ଏଥିରେ ତେଜସ୍ୱୀଙ୍କ ଅଭିନୟ ଲୋକଙ୍କୁ ବେଶ୍ ଆକୃଷ୍ଟ କରିପାରିଛି । ସେଥିଲାଗି ସେ ପ୍ରତ୍ୟେକ ଘରେ ଘରେ ପରିଚିତ ହୋଇପାରିଛନ୍ତି । ତେଜସ୍ୱୀ ଅନ୍ୟ ଏକ ଧାରାବାହିକରେ ଅଫର ପାଇଥିବାରୁ ଏହାକୁ ବାଏ ବାଏ କରିଥିବା ଜଣାଯାଇଛି । ଅନ୍ୟପକ୍ଷରେ ଜଣାଯାଇଛି ଯେ, ଛୋଟ ପରଦାର ସବୁଠାରୁ ଦାମୀ ଅଭିନେତ୍ରୀମାନଙ୍କ ତାଲିକାରେ ତେଜସ୍ୱୀ ଅନ୍ତର୍ଭୁକ୍ତ । ସେ ଗୋଟେ ଏପିସୋଡ୍ ପାଇଁ ପ୍ରାୟ ଦୁଇ ଲକ୍ଷ ଟଙ୍କା ନେଇଥାନ୍ତି । ଏବେ ସେ ଏପିସୋଡ୍ ପିଛା ଅଧିକ ଚାର୍ଜ କରୁଥିବା କାରଣରୁ ଏହି ଧାରାବାହିକରୁ ବିଦାୟ ନେଉଥିବା ଜଣାଯାଇଛି ।
ଆହୁରି ଜଣାଯାଇଛି ଯେ, ଗତ ବର୍ଷ ଆରମ୍ଭ ହୋଇଥିବା ନାଗିନ୍ ୬ ଧାରାବାହିକର ଟିଆରପି ବି ଧୀରେ ଧୀରେ କମିବାକୁ ଲାଗିଛି । ତେଣୁ ନିର୍ମାତାମାନେ ଏହାକୁ ଖୁବ୍‌ଶୀଘ୍ର ବନ୍ଦ କରିଦେବାକୁ ମଧ୍ୟ ନିଷ୍ପତ୍ତି ନେଇଛନ୍ତି ।