ତେଲେଙ୍ଗାନାରେ କଂଗ୍ରେସ କ୍ଷମତାକୁ ଫେରୁଥିବା ଦେଖି ଶୀର୍ଷ ନେତାଙ୍କୁ ଭେଟିବା ଡିଜିପିଙ୍କୁ ମହଙ୍ଗା ପଡ଼ିଲା

ହାଇଦ୍ରାବାଦ: ନିର୍ବାଚନ ଆଚରଣ ବିଧି ଓ ଆନୁସଙ୍ଗିକ ଆଚରଣ ବିଧି ଉଲ୍ଲଙ୍ଘନ କରିଥିବାରୁ ନିର୍ବାଚନ କମିଶନ ତେଲେଙ୍ଗାନା ପୁଲିସ ଡିଜି ଅଞ୍ଜନୀ କୁମାରଙ୍କୁ ନିଲମ୍ବିତ କରିଛନ୍ତି। ରାଜ୍ୟରେ ଚାଲିଥିବା ବିଧାନସଭା ସମୟରେ କୁମାର କଂଗ୍ରେସ ନେତା ଅନୁମୁଲା ରେବନ୍ତ ରେଡ୍ଡୀଙ୍କୁ ଭେଟିଥିବା ଅଭିଯୋଗ ପରେ ଏହି ନିଲମ୍ୱନ କରାଯାଇଛି।

ତେଲେଙ୍ଗାନାର ରାଜ୍ୟ ପୁଲିସ ନୋଡାଲ ଅଫିସର ସଞ୍ଜୟ ଜୈନ ଏବଂ  ମହେଶ ଭାଗବତଙ୍କୁ ମଧ୍ୟ ଏହି ଘଟଣାରେ ସମ୍ପୃକ୍ତି ପାଇଁ ନିର୍ବାଚନ କମିଶନ ନିଲମ୍ବନ କରିଛି। ଭୋଟ୍ ଗଣତି ଚାଲିଥିବା ବେଳେ ଏହି ତିନି ଅଧିକାରୀ ରେଡ୍ଡୀଙ୍କ ବାସଭବନକୁ ଯାଇ ତାଙ୍କୁ ଫୁଲତୋଡ଼ା ପ୍ରଦାନ କରିଥିବା ରିପୋର୍ଟରେ ଦର୍ଶାଯାଇଛି।

ନିର୍ବାଚନ କମିଶନର ପଦକ୍ଷେପ ଏକ ଦୃଢ଼ ବାର୍ତ୍ତା ଯେ କେହି ଆଚରଣ ବିଧି ଠାରୁ ଉର୍ଦ୍ଧ୍ୱରେ ନୁହଁନ୍ତି। ଏପରିକି ଯେଉଁମାନେ କ୍ଷମତାରେ ଅଛନ୍ତି।

ତେଲେଙ୍ଗାନାର ମୋଟ ୧୧୯ଟି ଆସନରୁ କଂଗ୍ରେସ ଦଳ ବର୍ତ୍ତମାନ ସୁଦ୍ଧା ୬୫ଟି ଆସନରେ ଆଗୁଆ ରହିଥିବା ବେଳେ ଶାସକ ବିଆରଏସ୍ ଦଳ ୩୮ଟି ଆସନରେ ଆଗୁଆ ରହିଛି। ଖୁବଶୀଘ୍ର ନିର୍ବାଚନର ଚୂଡାନ୍ତ ଫଳାଫଳ ପ୍ରକାଶ ପାଇବ ବୋଲି କୁହାଯାଉଛି।