ନୂଆଦିଲ୍ଲୀ: ଆଜିର ଯୁଗରେ, ଟେକ୍ନୋଲୋଜିରେ କ୍ରମାଗତ ଭାବରେ ଉନ୍ନତି ହେଉଛି | କିଛି ସମୟ ପୂର୍ବରୁ ଅସମ୍ଭବ ମନେ ହେଉଥିବା କାର୍ଯ୍ୟଗୁଡ଼ିକ ଆଜି ଟେକ୍ନୋଲୋଜିର ବିକାଶ ହେତୁ ଶୀଘ୍ର ହେଇପାରୁଛି | ସେହିଭଳି ରୋବୋଟିକ୍ସ କ୍ଷେତ୍ରରେ ଉନ୍ନତି ଆସିଛି | ସମ୍ପ୍ରତି, ଟେସଲାର ଅପ୍ଟିମସ୍ ରୋବଟର ଏକ ଭିଡିଓ ସାମ୍ନାକୁ ଆସିଛି, ଯେଉଁଥିରେ ସେ ଗଡାଣିଆ ରାସ୍ତାରେ ଓହ୍ଲାଇବା ଶିଖୁଛି | ଏହି ଭିଡିଓ ଦେଖି ରୋବୋଟିକ୍ସ କ୍ଷେତ୍ରରେ ଉନ୍ନତି ହେଉଥିବାର କଥା ବୁଝା ପଡୁଛି | ଆମେରିକୀୟ ବିଲିୟନେୟାର ଏଲୋନ୍ ମସ୍କଙ୍କ କମ୍ପାନୀ ଟେସଲା ମୋଟର୍ସର ଅଫିସିଆଲ୍ ହ୍ୟାଣ୍ଡେଲରେ ଏକ ଭିଡିଓ ପୋଷ୍ଟ କରାଯାଇଛି।
ଭିଡିଓରେ କ’ଣ ଦେଖାଯାଉଛି?
ଇନଷ୍ଟାଗ୍ରାମରେ ସେୟାର ହୋଇଥିବା ଭିଡିଓରେ ଦେଖିବାକୁ ମିଳିଛି ଯେ, ପ୍ରଥମ ପ୍ରୟାସରେ ଗଡାଣିଆ ରାସ୍ତାରେ ଓହ୍ଲାଇବାବେଳେ ରୋବଟ୍ ଠିକ୍ ରେ ଚାଲି ପାରୁ ନାହିଁ । ପରବର୍ତ୍ତୀ ପ୍ରୟାସରେ ସେ ଟିକିଏ ଝୁଣ୍ଟି ପଡ଼େ | ପୁଣି ପରବର୍ତ୍ତୀ ପ୍ରୟାସରେ ସେ ସହଜରେ ଓହ୍ଲାଇ ଆସେ ତଳକୁ । ଆଗକୁ ଭିଡିଓରେ ଦେଖିବାକୁ ମିଳୁଛି ଯେ, ରୋବଟ୍ କୌଣସି ବିଶେଷ ସମସ୍ୟା ବିନା ଉଠାଣି ଚଢି ଯାଉଛି ।
ଭିଡିଓ ସେୟାର କରିବାବେଳେ ଟେସଲା ମୋଟର୍ସ ଲେଖିଛନ୍ତି, ‘ମଣିଷ ପରି ଚାଲିବା ପାଇଁ ଆପଣଙ୍କୁ ପ୍ରଥମେ ମଣିଷ ପରି ଝୁଣ୍ଟିବାକୁ ପଡ଼ିବ ‘ ।
ଅପ୍ଟିମସ୍ ରୋବଟର ଏହି ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଏପର୍ଯ୍ୟନ୍ତ ଏହାକୁ କେବଳ ଇନଷ୍ଟାଗ୍ରାମରେ ପ୍ରାୟ ୬୦ ଲକ୍ଷ ଥର ଦେଖାଯାଇଛି ଏବଂ ଏହା ପ୍ରାୟ ୨.୩ ଲକ୍ଷ ଲାଇକ୍ ପାଇଛି |
Comments are closed.