ଦ ଇଣ୍ଟେଲେକ୍ଟସର ଅଧ୍ୟକ୍ଷ ଶ୍ରୀ ଦେବେନ୍ଦ୍ର ନାଥ ରାଉତଙ୍କ ଅଧ୍ୟକ୍ଷ୍ୟତାରେ ସ୍ବତନ୍ତ୍ର ବିଚାରକ ମଣ୍ଡଳୀ ଓଡ଼ିଆ ଭାଷା ପ୍ରତି ବିଭିନ୍ନ କ୍ଷେତ୍ରରେ ଅବଦାନ ରଖିଥିବା ୧୨ ଜଣ ବରିଷ୍ଟ ବ୍ଯକ୍ତିତ୍ବଙ୍କ ସହିତ ୩ ଜଣ ଯୁବ ପ୍ରତିଭା ଓ ୪ ଟି ଅନୁଷ୍ଠାନ ଉତ୍ସବକୁ ‘ପ୍ରବାସୀ ଭାଷା ସମ୍ମାନ’ରେ ସମ୍ମାନିତ କରାଯିବ ବୋଲି ନିଷ୍ପତି ନିଆଯାଇଛି।
ଓଡ଼ିଆ ମିଡିଆର ନିର୍ଦ୍ଦେଶକ ତଥା କଥାଶିଳ୍ପୀ ଶୁଭ୍ରାଂଶୁ ପଣ୍ଡାଙ୍କ ଉଦ୍ୟମରେ କୋରାପୁଟ ଠାରେ ୨୦୧୮ ମସିହାରେ ପ୍ରଥମେ ‘କୋରାପୁଟ ସାହତ୍ୟ ଉତ୍ସବ’ ଆରମ୍ଭ ହୋଇଥିଲା। ୨୦୧୯ ମସିହାରେ ଦୁଇଦିନ ଧରି ଆୟୋଜିତ ଏ ଉତ୍ସବରେ ରାଜ୍ୟ ବାହାରୁ ବହୁ ସଂଖ୍ୟାରେ ଲେଖକ ଓ ବୁଦ୍ଧିଜୀବୀ ଯୋଗ ଦେଇଥିଲେ। ଓଡ଼ିଶାର ରାଜଧାନୀ ଭୁବନେଶ୍ବରରେ ବହୁ ଜାତୀୟ ଓ ରାଜ୍ୟସ୍ତରୀୟ ଉତ୍ସବ ଆୟୋଜିତ ହେଉଥିବା ବେଳେ କୋରାପୁଟ ଭଳି ବିରଳ ପର୍ଯ୍ୟଟନ ସ୍ଥଳରେ ସାରା ଦେଶର ଲେଖକଙ୍କୁ ଏକାଠି କରିବା ଉଦ୍ଦେଶ୍ୟରେ ଓ ସ୍ଥାନୀୟ ସଂସ୍କୃତି ତଥା ପର୍ଯ୍ୟଟନକୁ ବ୍ୟାପକ କରିବା ଉଦ୍ଦେଶ୍ୟରେ ଏ ଉତ୍ସବ ଆୟୋଜିତ କରାଯାଉଛି ବୋଲି ଶ୍ରୀ ପଣ୍ଡା କହିଛନ୍ତି।
ଓଡିଆ ଭାଷାରେ ପ୍ରଥମ ସ୍ତମ୍ଭ ସମ୍ମାନ ‘ଆମ ଘରର ହାଲଚାଲ”ର ସାମଗ୍ରୀକ ଅବଦାନ ପାଇଁ ଶ୍ରୀ ସୌମ୍ୟରଂଜନ ପଟ୍ଟନାୟକ, ଓଡିଶୀ ସଙ୍ଗୀତକୁ ବିଶେଷ ଅବଦାନ ପ୍ରଦାନ କରିଥିବା ଶ୍ୟାମାମଣୀ ଦେବୀ, ଓଡିଶୀ ନୃତ୍ୟ ଓ ଓଡିଶୀ ନୃତ୍ୟଗୁରୁ ଇଲିୟାନା ସିଟାରିଷ୍ଟ ଓ ଓଡିଆ ଭାଷାକୁ ସମାଜର ସର୍ବନିମ୍ନ ସ୍ତରରେ ନିଜ ଲେଖା ମାଧ୍ୟମରେ ଲୋକପ୍ରିୟ କରିବାରେ ସଫଳ ହେବା ସହିତ ୫୦୦ ରୁ ଉର୍ଦ୍ଧ୍ବ ଉପନ୍ୟାସ ରଚନା କରିଥିବା ଲେଖକ ଶ୍ରୀ ଭାଗିରଥି ଦାସଙ୍କୁ ଏହି ସମ୍ମାନ ପ୍ରଦାନ କରାଯିବ। ସେହିପରି ଲେଖକ ଇଂ ପ୍ରଭାକର ସ୍ବାଇଁ, ପ୍ରତି ବରିଷ୍ଟ ସାମ୍ବାଦିକ ଶ୍ରୀ ପ୍ରଦ୍ୟୁମ୍ନ ଶତପଥୀ, ଅନୁବାଦ ପାଇଁ ପ୍ରାଧ୍ୟାପକ ଯତୀନ ନାୟକ, ଭାଷା ବିଶେଷଜ୍ଞ ଡ. ହରପ୍ରସାଦ ମିଶ୍ରଙ୍କୁ ଏହି ସମ୍ମାନ ପ୍ରଦାନ କରାଯିବ। ପୁରୁଣା ଓଡିଆ ସଙ୍ଗୀତକୁ ଏକ ଅଭିନବ ଉପାୟରେ ନିରବଚ୍ଛିନ୍ନ ଭାବରେ ସଂରକ୍ଷଣ କରିବାରେ ପ୍ରୟାସରତ ଡ. ସରୋଜ ସିଂ, ଆନ୍ତର୍ଜାତୀୟ ସ୍ତରରେ ଓଡିଆ ପୋଥି ଓ ପାଣ୍ଡୁଲିପି ଆଧାରିତ ବିଶେଷ ଗବେଷଣା ପାଇଁ ଡ. ଶୋଭାରାଣୀ ଦାସ, ଚିତ୍ରକାର ଶ୍ରୀ ବିଜୟ ବିଶ୍ବାଳ ଓ ବିଦେଶରେ ଓଡିଆ ଭାଷା ଓ ସାହିତ୍ୟର ପ୍ରସାର ପାଇଁ ବିଶେଷ ଅବଦାନ ରଖିଥିବା ଶ୍ରୀ ପ୍ରଶାନ୍ତ ଭୂୟାଁଙ୍କୁ ମଧ୍ୟ ପ୍ରବାସୀ ଭାଷା ସମ୍ମାନ ପ୍ରଦାନ କରାଯିବ। କର୍ପୋରେଟ କ୍ଷେତ୍ରରେ ଓଡିଆ ଭାଷାର ଉନ୍ନତି ପାଇଁ ବିଶେଷ ଅବଦାନ ରଖିଥିବାରୁ ଇଫକୋ ପାରଦୀପର ମାନବ ସମ୍ବଳ ନିର୍ଦେଶକ ଶ୍ରୀ ଜ୍ଞାନଚାନ୍ଦ ଆଚାର୍ଯ୍ୟଙ୍କୁ ଏହି ସମ୍ମାନ ପ୍ରଦାନ କରାଯିବ। ଓଡିଆ ଦୈନିକ ଖବର କାଗଜ ‘ପ୍ରମେୟ’ ଓ ସ୍ବାଧୀନତା କାଳରୁ ଭାଷାର ଉନ୍ନତି ପାଇଁ ଅନବରତ କାମ କରୁଥିବା ‘ଜ୍ଞାନମଣ୍ଡଳ’ ଓ ଉପାନ୍ତ ଅଞ୍ଚଳରେ ଓଡିଆ ଭାଷାର ପ୍ରଚାର ପ୍ରସାର ପାଇଁ ଆୟୋଜିତ ହେଉଥିବା ‘କୋରାପୁଟ ସାହିତ୍ୟ ଉତ୍ସବ’କୁ ଏହି ସମ୍ମାନ ପ୍ରଦାନ ପାଇଁ ଚୟନ କରାଯାଇଛି। ଯୁବବର୍ଗକୁ ଓଡିଆ ଭାଷା ପ୍ରତି ଅଭିନବ ଉପାୟରେ ଆକୃଷ୍ଟ କରାଉ ଥିବା ତିନି ଜଣ ଯୁବ ପ୍ରତିଭାଙ୍କୁ ଏହି ସମ୍ମାନ ପ୍ରଦାନ କରାଯିବ। ସେମାନେ ହେଲେ ଓଡିଆ ରାପର ‘ବିଗଡିଲ’ (ରିଷି ମହାନ୍ତି), ନଟିଆ (କାର୍ଟୁନ ୟୁଟ୍ୟୁବ ଚାନେଲ) ଓ ଗଜପତି (ଟ୍ଵିଟର)।