ବଲାଙ୍ଗିର: ପାଟଣାଗଡ,ପଶ୍ଚିମ ଓଡିଶା ଲୋକକଳା ପୁନରୁଦ୍ଧାର ପରିଷଦ ବଲାଙ୍ଗିରର ତୃତୀୟ ବାର୍ଷିକ କଳା ପ୍ରତିଭା ମହାସମ୍ମିଳନୀ ମାଁ ପାଟଣେଶ୍ୱରୀ ମହାବିଦ୍ୟାଳୟ ଠାରେ ମହାସମାରୋହରେ ପାଳିତ ହୋଇଯାଇଛି । ଉକ୍ତ ସଭାରେ ମୁଖ୍ୟ ଅତିଥି ଭାବେ ପଦ୍ମଶ୍ରୀ ଲୋକକବି ହଲଧର ନାଗ, ସମ୍ମାନୀତ ଅତିଥି ଭାବେ ପାଟଣାଗଡ ପଞ୍ଚାୟତ ସମିତି ଅଧକ୍ଷ ଭକ୍ତବନ୍ଧୁ ନାଏକ ଓ ସଭାପତି ଶ୍ରୀଯୁକ୍ତ ଅମୂଲ୍ୟ ପୁଟେଲ ଯୋଗଦାନ କରି ଲୁପ୍ତ ହୋଇଯାଉଥିବା କଳାର ପୁନରୁଦ୍ଧାର ଉପରେ ପରିଷଦର ଉଦ୍ୟମକୁ ଭୁୟଶି ପ୍ରଶଂସା କରିଥିଲେ ।
ଉକ୍ତ କାର୍ୟ୍ୟକ୍ରମରେ ଜିଲ୍ଲା ପରିଷଦ ସଭ୍ୟା ଜୌସ୍ନାମୟୀ ସାହୁ, ପୁର୍ବତନ ଜିଲ୍ଲା ପରିଷଦ ସଭ୍ୟ ଶ୍ରୀଯୁକ୍ତ କରମ ସିଂ ସରାଫ, ସୁଶିଲ କୁମାର ଗୁରୁ, ବିଶିଷ୍ଟ ସାହିତ୍ୟିକ କ୍ଷୀରୋଦ କୁମାର ଷଡଙ୍ଗୀ, ଯୋଗଦାନ କରି ନିଜ ନିଜର ବକ୍ତବ୍ୟ ରଖି ଥିଲେ । ଏହି ଅବସରରେ ବିଭିନ୍ନ ଗ୍ରାମରୁ ଆସିଥିବା ସଙ୍କୀର୍ତ୍ତନ ଦଳ, ଘୁମୁରା, ସଂଚାର, ଙ୍ଖଜଣୀ, ପାଲା, ଦୁଲଦୁଲି ଓ କରମା ଦଳ ନିଜର କଳାକୁ ପରିବେଷଣ କରି ଦର୍ଶକ ମାନଙ୍କ ମନ ମୋହି ନେଇଥିଲେ । ଶେଷରେ ସଂଘ ସମ୍ପାଦକ ମିନୀକେତନ ପଧାନ ଧନ୍ୟବାଦ ଅର୍ପଣ କରିଥିଲେ ଓ ପୁରନଦର ପୁଟେଳ, ଥବିର ସାହୁ, ନରେନ୍ଦ୍ର ମେହେର, ଦୀନବନ୍ଧୁ ବଗର୍ତ୍ତୀ, ବିଭୀଷଣ ମାଝୀ, ବେଣୁଧର ପୁଟେଲ, ଗୋଲାପ ଜେନା ଓ ତୁଲାରାମ ବଗର୍ତ୍ତୀ ପ୍ରମୁଖ କାର୍ୟ୍ୟକ୍ରମରେ ସହଯୋଗ କରିଥିଲେ ।
Comments are closed.