ରାମସାର ସାଇଟରେ ସାମିଲ ହେଲେ ଓଡ଼ିଶାର ତିନି ସ୍ଥାନ

ଭୁବନେଶ୍ୱର: ଓଡ଼ିଶାର ଆଉ ତିନୋଟି ବୃହତ ଜଳାଶୟ (ଓ୍ୱେଟଲ୍ୟାଣ୍ଡ) ରାମସାର ସାଇଟ ତାଲିକାରେ ଯୋଡ଼ି ହୋଇଛି । ସମ୍ବଲପୁରର ହୀରକୁଦ ଡ୍ୟାମ, ଗଞ୍ଜାମର ତାମ୍ପରା ହ୍ରଦ ଏବଂ କଟକର ବାଙ୍କୀ ସ୍ଥିତ ଅଂଶୁପା ହ୍ରଦକୁ ରାମସାର ସାଇଟରେ ଯୋଡ଼ା ଯାଇଛି ।

ଏନେଇ କେନ୍ଦ୍ର ପରିବେଶ, ଜଙ୍ଗଲ ଓ ଜଳବାୟୁ ପରିବର୍ତ୍ତନ ମନ୍ତ୍ରୀ ଭୂପେନ୍ଦର ଯାଦବ ଟ୍ୱିଟ୍ କରି ସୂଚନା ଦେଇଛନ୍ତି ।

PM Shri @narendramodi ji’s love and care for environment is helping India scale newer heights in conservation.

Elated to inform that 11 more Indian wetlands have got Ramsar recognition. This takes our tally to 75 sites.#AmritMahotsav#IndiaAt75 pic.twitter.com/jsYGTBGOQo

— Bhupender Yadav (@byadavbjp) August 13, 2022

ସଦ୍ୟ ପ୍ରକାଶିତ ତାଲିକାରେ ୧୧ଟି ସ୍ଥାନକୁ ସାମିଲ କରାଯାଇଛି । ଏଥିରେ ଓଡ଼ିଶାର ଏହି ତିନୋଟି ପ୍ରମୁଖ ପର୍ଯ୍ୟଟନସ୍ଥଳୀ ଅର୍ନ୍ତଭୁକ୍ତ । ଏହି ୧୧ଟି କୁ ମିଶାଇ ଭାରତରେ ମୋଟ୍ ୭୫ଟି ସ୍ଥାନ ରାମସାର ସାଇଟ ଭାବରେ ଚିହ୍ନଟ କରାଯାଇଛି । ପୂର୍ବରୁ ଓଡ଼ିଶାର ସାତକୋଶିଆ ଗଣ୍ଡ ରାମସାର ସାଇଟରେ ସାମିଲ ହୋଇଥିଲା ।

ଓ୍ୱେଟଲ୍ୟାଣ୍ଡ ବା ବୃହତ ଜଳାଶୟ ଗୁଡ଼ିକୁ ନେଇ ରାମସାର ଓ୍ୱେଟଲାଣ୍ଡ ସାଇଟ କନଭେନସନ ଗଠିତ ହୋଇଛି । ଇରାନର କାସ୍ପିଆନ ସାଗର ଠାରୁ ୧୯୭୧ ମସିହାରେ ଏହି ଚୁକ୍ତି ବା କନଭେନସନ ଗଠନ କରାଯାଇଥିଲା । ଏଥିରେ ସାମିଲ ଥିବା ସ୍ଥାନ ଗୁଡ଼ିକର ଅର୍ନ୍ତଜାତୀୟ ଗୁରୁତ୍ବ ରହିଛି ।

ଏଗୁଡ଼ିକର ସଂରକ୍ଷଣ ପାଇଁ ବିଭିନ୍ନ ଦେଶର ସରକାରଙ୍କ ମଧ୍ୟରେ ବୁଝାମଣାରେ ହୋଇଥାଏ ।

ରାମସାର ଓ୍ବେଟଲାଣ୍ଡ କନଭେନସନ ବିଭିନ୍ନ ଦେଶକୁ ଯୋଡ଼ି ରାମସାରରେ ସାମିଲ ଯୋଗ୍ୟ ସ୍ଥାନକୁ ଚିହ୍ନଟ କରି ତାର ସଂରକ୍ଷଣ ବ୍ୟବସ୍ଥା କରାଏ । ଯାହାର ସଂରକ୍ଷଣ ସଂପୃକ୍ତ ଦେଶର ପରିବେଶ ବିଭାଗ ଦାୟିତ୍ୱ ନେଇଥାଏ । ସାରା ବିଶ୍ୱରେ ଏଭଳି ୨୪୦୦ରୁ ଉର୍ଦ୍ଧ୍ୱ ରାମସାର ସାଇଟ୍ ରହିଛି ।