କୋଲକାତା: ୨୦୨୪ ଲୋକସଭା ନିର୍ବାଚନରେ କୌଣସି ମେଣ୍ଟରେ ଯୋଗ ଦେବ ନାହିଁ ମମତା ବାନାର୍ଜୀଙ୍କ ନେତୃତ୍ୱାଧୀନ ଚିଏମସି। ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ଟିଏମସି ସୁପ୍ରିମୋ ଏହା ସ୍ପଷ୍ଟ କରିଛନ୍ତି। ମାର୍ଚ୍ଚ ୧ରେ ଚେନ୍ନାଇରେ ଡିଏମକେର ଏକ ସଭାରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖଡଗେ ବିରୋଧୀ ଏକାଠି ହୋଇ ନିର୍ବାଚନ ପ୍ରଥମେ ଲଢିବା ଉଚିତ ବୋଲି କହିଥିଲେ। ସେହିପରି ଏହାପୂର୍ବରୁ ଜେଡିୟୁ ସୁପ୍ରିମୋ ତଥା ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ମଧ୍ୟ ବିରୋଧୀଙ୍କୁ ଏକାଠି ହୋଇ ନିର୍ବାଚନ ଲଢ଼ିବାକୁ ଆହ୍ବାନ କରିଥିଲେ। କିନ୍ତୁ ଏବେ ମମତାଙ୍କ ଏପରି ନିଷ୍ପତ୍ତି ବିରୋଧୀଙ୍କ ମନଉଣା କରିପାରେ।
୨୦୨୪ ସାଧାରଣ ନିର୍ବାଚନରେ କୌଣସି ମିଳିତ ହେବାର ସମ୍ଭାବନାକୁ ବାରଣ କରି ମମତା କହିଛନ୍ତି ଯେ ତାଙ୍କ ଦଳ କେବଳ ଏହି ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବ। ଆଗାମୀ ବର୍ଷର ଲୋକସଭା ନିର୍ବାଚନରେ କେବଳ ଲୋକଙ୍କ ସମର୍ଥନରେ ଦଳ ଲଢ଼େଇ କରିବ ବୋଲି ସେ କହିଛନ୍ତି। କେବଳ ଲୋକଙ୍କ ସମର୍ଥନରେ ନିର୍ବାଚନ ଲଢ଼ିବୁ କୌଣସି ଦଳ ସହ ମିଶି ନିର୍ବାଚନ ଲଢିବେ ନାହିଁ ବୋଲି ମମତା କହିଛନ୍ତି।
ତ୍ରିପୁରା ବିଧାନସଭା ନିର୍ବାଚନର ଫଳାଫଳ ସମ୍ପର୍କରେ ସେ କହିଛନ୍ତି, ଯେଉଁମାନେ ବିଜେପିକୁ ହରାଇବାକୁ ଚାହୁଁଛନ୍ତି ସେମାନେ ସିପିଆଇ(ଏମ) ଏବଂ କଂଗ୍ରେସକୁ ଭୋଟ୍ ଦେଲେ ବିଜେପିର କୌଣସି କ୍ଷତି ହେବନି ବରଂ ଲାଭ ହେବ। ଯାହା ଫଳାଫଳରୁ ଜଣାପଡ଼ିଛି। ତେଣୁ ବିଜେପିକୁ ହରାଇବାକୁ ହେଲେ ଟିଏମସିକୁ ଭୋଟ୍ ଦେବା ଜରୁରୀ ବୋଲି ମମତା କହିଛନ୍ତି।